傷者斥九巴只賠八萬卸膊

【蘋果日報】今年2月大埔公路九巴翻側釀19死悲劇，香港專營巴士服務獨立檢討委員會昨日召開首兩節聽證會，聽取運輸、房屋局和運輸署的口述證供。有數名大埔車禍的死傷者家屬出席聽證會，部份家屬提早離開和不願接受傳媒訪問；亦有家屬不滿九巴只賠8萬元，批評九巴「卸膊」。
70多歲的古先生為大埔車禍的傷者，當時頭部和腳部受傷，至今未完全康復，需靠輪椅輔助生活。古太表示，原以為聽證會是講述賠償方案，但原來是討論本港現時專營巴士服務檢討。她稱，意外後九巴只賠償8萬元，連同其他援助金總數約30萬元，批評九巴「卸膊」，「睇醫生、食都係嗰度（賠償金），依家我哋冇嘢做，九巴係咪過份呀，卸膊呀佢依家」。
「隔日睇醫生仲要供樓」
古太表示，丈夫原任職裝修，日薪約千元，現時無法工作，「隔日就睇醫生，睇私家，做物理治療，到依家都使咗十幾廿萬，仲話等兩年，咁我哋依家點生活，仲要供樓」，希望九巴盡快作出賠償。
■記者張文鈴