Warm Call從業員：9點後唔打電話

【蘋果日報】Warm Call是指致電者知道接電者身份的來電；Cold Call則是由電腦隨機打出，而致電者不知道接電者身份。有入行10年的Warm call銷售員認為，現今市民不了解兩者分別，因近年電騙增加，令市民將所有促銷電話混為一談。業界憂政府立法規管後會影響生計，冀政府針對打擊海外銷售電話和電話騙案。
入行十年的李小姐現為電訊公司打Warm Call，包括通知客戶續約、推廣新產品等。她坦言，「市民根本上都唔識分邊啲係呃人電話」，又指「有時啲客本身用緊個產品，我哋係講得出佢全名，唔同Cold call可能得個姓或隨機打」。但因太多電話騙案發生，「正如我自己都未必去聽呢啲電話，因為我都唔識分辨」。有時遇到客戶對她不禮貌，「會講粗口，如果佢哋不斷講，盡量勸佢哋，佢再繼續講都冇辦法，我哋會收線」。最深刻是曾接觸一個客戶，「同佢講個plan過咗期要續約，可能要正價，佢反而話點解唔打電話提我，所以（電話銷售）係有市場需求」。
她指入行初期市民較接受電話銷售，但近年電騙氾濫，Warm Call亦受影響，部份促銷電話來自海外，但政府卻無法監管，令她感到無奈。她反對政府「一刀切」規管，「我哋其實有守則，夜晚9點之後就唔會打電話」。
■記者張文鈴