中環在線：「刁王」鍾楚義增持資策有玄機？

【蘋果日報】「超人」李嘉誠近周無懼走資，頻頻增持長實地產（1113），另一邊廂有「刁王」之稱嘅鍾楚義，原來近日都密密增持旗下發展商資本策略（497），加加埋埋都近1億，唔通睇好公司全年業績好理想？
聯交所權益披露顯示，鍾楚義上個月27日起逐漸開始增持資策，總共14次，直至今個月18日都仲買緊，累計增持近1.86億股，以每股平均價0.52元計算，斥資差唔多9,672萬元。
話說鍾楚義呢一round增持額合共已經有1.86%，至總持倉49.86%，如果超過2%可能就向股東提全購，唔知今次佢咩葫蘆賣咩藥？定係旗下九肚山峰賣樓成績理想有關？可能要等下個月全年業績會嘅時候問鍾生。
李華華
LiWaWa@AppleDaily.com