財女手筆：金管局接貨又如何

【蘋果日報】多年美國量寬流入本港的千億資金終於開始流走，金管局7度出手承接港元沽盤，一時之間，全城好似陷入恐荒，怕20年前港元被索羅斯追擊，導致股市大跌一役再次出現。
其實，港滙下跌，金管局接貨只係聯繫滙率制度下的必然過程。一日港美有息差，資金就會回流返去高息嘅美元到套利，直至港美息差收窄為止。依家唔係一日流走1,000億，資金係有序撤出，對香港金融股市影響有限。歷史亦話畀我哋聽，資金流入流出，對香港股市影響極微。美國10年量寬，最高峯流入超過3,000億入港元體系，香港股市一樣原地踏步，橫行多年。係近年北水流入先稍為升咗少少。
所以，唔好因為外資走人就斷定股災一定出現，始終港股以市盈率計，仲係全球最平之一，唔買貨都唔好訓身put。
Melody
http://fb.com/whichroad