學者：官員嘴臉激發本土議題

【蘋果日報】自由行為本港帶來內地資金，亦同時引發出雙非孕婦、爭學位、奶粉荒、高樓價及走水貨等後果，內地人被指摘搶奪港人資源及生活空間。有學者認為，自由行擴展過於迅速，政府未能就兩地人民產生的磨擦及時作出反應，加上政改及釋法問題上的爭議，全都令港人將不滿情緒投射到內地旅客身上，致中港矛盾越趨複雜。
理工大學社會政策研究中心主任鍾劍華指，「（內地人）真係有啲特點嘅，例如比較喧嘩，真係有部份人係財大氣粗」，而因內地旅客湧到亦產生出雙非孕婦、搶購奶粉及走水貨等問題，「你無理由畀人落嚟生仔吖嘛，香港人自己都唔夠（床位）」。鍾又說，港人對內地的觀感，除文化差異外，亦因政府爭議激化，政改、釋法及內地官員嘴臉，都令港人對內地人產生戒心、抗拒與敵意，並將不滿情緒投射到內地旅客身上，「中央官員啲嘴臉咁鬼乞人憎，吓吓都擺出個父母官姿態，香港人係唔受㗎嘛」。
鍾劍華批評，政府對港人累積不滿情緒警覺性不足，未有及早反應。例如在水貨客浮現初期強硬處理，水貨問題不致如此猖獗，亦不會有隨後的光復行動，於社會掀起本土議題，「（政府）打到埋身先做多少少嘢」。他直言，政府現時才設法解決問題經已太遲。
反水客團體：對政府冇壓力
曾發起驅蝗及光復行動的梁金成亦認同，港人對內地的仇恨不單只由水貨引起，自主權移交後，兩地矛盾不斷升溫。光復行動先在上水舉行，其後擴展至屯門、沙田及元朗，外界亦有反對聲音，「講真喺上水呢度，我諗每一日俾個篋轆到、撞到嘅人，唔止嗰幾次係螢光幕見到咁少啦」。他反問：「會唔會有人教吓佢哋點用篋呢？」梁認為光復行動已舉辦多次，「恒常咁出嚟，對政府係冇壓力嘅」，之後曾舉辦上水導賞團，讓公眾了解水貨客活動。
■記者伍雅謙