粉嶺居民自組巡邏隊

【蘋果日報】連環毒狗事件發生後，導致粉嶺社區的狗主人心惶惶，有愛犬遇害的狗主才剛平復情緒，希望警方能正視事件，亦有居住在附近的狗主感到很大壓力，因而自發幫忙在社區裏巡邏。
苦主互相聯繫
黃小姐的愛犬於4月5日不幸被毒害身亡，事隔近十天，她情緒才逐漸平復下來，「開始冇咁波動，都慢慢接受咗」，她指連環毒狗案很影響到整個社區，「因為個現象喺度嚴重擴散緊」。事後，黃小姐亦跟其他苦主有互相聯繫，「真係好希望最後可以有結果出嚟，而唔係令到件事不了了之，我哋好希望警方可以嚴正去處理呢件事」。
居住在華明邨附近的狗主Jeffrey，本身飼養了兩隻狗，直言現時社區裏人心惶惶，自己亦感到很大壓力，「狗狗唔可以成日困喺屋企，都要帶佢出去行，但又驚佢哋舔地下，知道有啲狗主都特別幫狗戴口罩，但狗係用條脷散熱，變相令到狗都好辛苦，其實好心痛」。事件發生後，Jeffrey自發地加入了居民自發組織的社區巡邏隊，「依家放狗嗰陣都會好留意周圍，會唔會有懷疑毒物，如果見到有包住嘅老鼠藥一定會掉咗佢」。
■記者李雨夢