的士司機：收入少好難笑

【蘋果日報】2017/18香港各行業微笑指數，包尾的是運輸及交通服務業。有業界人士表示，現今社會生活節奏急促、收入比以前減少，司機因「難搵食」壓力大，難以微笑接客。
指乘客要求增多
的士車行車主協會主席吳坤成表示，收入比以往減少、乘客要求增多等都是司機難以微笑待客的原因，「以前司機（每月）搵萬幾兩萬，十幾年後都係搵咁多，其實難搵食，都好唔開心」。他認為現時大多司機年紀較大，政府應提供培訓吸引年輕人入行。
汽車交通運輸業總工會第一副主席張子琦則指，司機少微笑與社會問題有關，如樓價飆升、生活指數緊張等，「好似啲巴士司機人工低，同揸重型車司機差咁遠，何來微笑呢？」他指現時重型車司機月入約1.9萬元，巴士司機月入則約1.5萬元，「呢個收入係偏低同唔合理」。他認為應改善司機薪酬福利和工作環境，包括放寬行車時間、在車站設洗手間。
的士司機林先生表示，平日乘客上車都只詢問目的地，很少特別給予笑容，「大家唔係面對面嘛，好少特登對住個客笑，費事個客以為你係色狼、有目的咁，或者到目的地會同客笑住講Bye Bye」。他又指的士業大多是各自為政，非公司管理，「坐落嚟十幾個鐘都畀租，做又得，唔做又得，所以冇話笑唔笑」。
■記者張文鈴、羅繼盛