新聞類別
娛樂
詳情#
【蘋果日報】【新加坡直擊】楊千嬅前晚現身新加坡出席意大利皮具品牌Tod's旗艦店活動，多年沒拍劇集的她，下月為無綫拍重頭劇《多功能老婆》，不過有傳編劇及監製陳寶華的女一首選是鄧萃雯，對於被指搶去雯女的女主角，千嬅愕然說：「吓！我唔知喎，我覺得呢件事嘅可信性好低，因為全香港人都知我最緊張我嘅家庭，如果唔係有人邀請，暑假我都寧願攞嚟湊仔。」
兩家人是世交
千嬅坦言老公丁子高和陳寶華熟稔，自己媽咪就跟雯女相熟，千嬅說：「總之我屋企人同雯女嗰邊係世交，我哋兩家人係會一齊食飯，席間其實有傾開話拍劇，以我所知佢收集嘅題材應該唔係呢套，係講一啲關於教育嘅嘢，好彩大家係識嘅，否則會好尷尬，可能呢啲大家唔知啦，不過永遠有啲真相都係冇人知嘅。」千嬅又透露跟陳寶華有見面，自己想多點了解故事人物。
由於角色跟以往演出的不同，千嬅很期待今次的演出，問到現實中是否多功能老婆？她笑說：「依家嘅女生比較multitasking，無論係做女定做太太，都有好多嘢要兼顧，知道女性多男性少，所以我哋都要肩負番起啲社會責任。」
赴泰享家庭樂
千嬅經常出埠工作，問到掛念老公還是兒子多些？她想了想答：「適當嘅時候想念適當嘅人，個仔依家讀year2，學校都比較多活動，不過我哋都幫佢啲時間安排得好好，總之爸爸收工就會陪到佢，同埋佢明白媽咪有工作做，所以都OK。」千嬅指老公跟兒子去了泰國旅行，自己完成新加坡工作後，就會到泰國會合他們享受家庭樂。
採訪：盧妹
兩家人是世交
千嬅坦言老公丁子高和陳寶華熟稔，自己媽咪就跟雯女相熟，千嬅說：「總之我屋企人同雯女嗰邊係世交，我哋兩家人係會一齊食飯，席間其實有傾開話拍劇，以我所知佢收集嘅題材應該唔係呢套，係講一啲關於教育嘅嘢，好彩大家係識嘅，否則會好尷尬，可能呢啲大家唔知啦，不過永遠有啲真相都係冇人知嘅。」千嬅又透露跟陳寶華有見面，自己想多點了解故事人物。
由於角色跟以往演出的不同，千嬅很期待今次的演出，問到現實中是否多功能老婆？她笑說：「依家嘅女生比較multitasking，無論係做女定做太太，都有好多嘢要兼顧，知道女性多男性少，所以我哋都要肩負番起啲社會責任。」
赴泰享家庭樂
千嬅經常出埠工作，問到掛念老公還是兒子多些？她想了想答：「適當嘅時候想念適當嘅人，個仔依家讀year2，學校都比較多活動，不過我哋都幫佢啲時間安排得好好，總之爸爸收工就會陪到佢，同埋佢明白媽咪有工作做，所以都OK。」千嬅指老公跟兒子去了泰國旅行，自己完成新加坡工作後，就會到泰國會合他們享受家庭樂。
採訪：盧妹
回應 (0)
