籲商界勿誇張取消MPF對沖影響

【蘋果日報】政府早前公佈強積金（MPF）對沖方案，遭部份商界人士反對，特首林鄭月娥昨稱願意在部份地方微調，但提醒商界勿誇張取消強積金對沖的影響，反指困擾商界的是土地和人手問題。
指樽頸問題是土地人手
自由黨批發及零售界立法會議員邵家輝昨趁林鄭月娥出席特首質詢時，指有商界憂慮香港營商環境，批評政府在取消MPF對沖問題上態度強硬，而企業在招聘人手時十分困難，輸入外勞的問題亦停滯不前。
林鄭月娥稱不同意香港營商環境差，認為土地和人手是，「我希望邵議員同其他商界議員，唔好過份誇張咗取消（強積金）對沖為商界帶嚟嘅影響，其實嗰個影響唔會咁大，政府亦有決心同願意落水深啲，喺本屆任期內，解決呢個困擾勞工界多年嘅議題」。
林鄭又指，知道勞工及福利局局長正與商界討論取消MPF對沖方案，政府願在部份地方微調，「因為真係唔想一個影響到數以百萬計勞工嘅退休保障，受到不斷蠶食同削弱」。
早前有指，取消MPF對沖的微調空間包括加大注資金額，早前勞福局長羅致光已表明，政府願在取消MPF對沖上承擔150億元，方案細節仍待敲定，「到時個數唔會細過呢個數」。
■記者姚國雄