新聞類別
港聞
詳情#
【蘋果日報】在中環經營超過半個世紀的鏞記酒家，曾經歷過二戰、禽流感、沙士等天災人禍，掌舵人「二少」甘琨禮（禮哥）向本報細數沙士經歷，「話難過難過，但都只係3個幾月，過完就覺得好似過得好快，但當時感覺，真係好漫長」。
燒鵝賣少七成蘭桂坊無人去
2002年尾，正是鏞記60周年紀念，禮哥憶述，父親甘穗煇當時仍在生，大搞「八仙賀壽」慶祝他90歲生辰，生意穩步上揚之際，怎料數月後遇上沙士，可說是大上大落。
「嗰時個個都唔知乜事，淨係識得洗手！」禮哥指當時整個香港謠言滿天飛，「每日都報走咗幾多人，幾多人留院、要隔離，每一個都好惶恐」。由於當時若不幸有員工染上疫症，全店就要封舖消毒，所以每日開業都如臨大敵，「1比99高溫消毒碗筷、定時抹升降機掣、每人有一對公筷，都係嗰陣時開始有，好多措施依家都仲有實施」。
禮哥指每樓層都有所屬經理，每日開店時，他們就需要為每一位員工量體溫，他更指，當時中環一到晚上就猶如死城，「遊客生意跌八成，燒鵝都賣少七成……蘭桂坊簡直冇人去」。到疫症結束，鏞記密鑼緊鼓宣傳，好像送燒鵝、與其他食肆合作，生意不久回復。禮哥稱與行家更團結，是疫症的意外得着。
鏞記曾經歷多次天災橫禍，對生意各有不同衝擊，但禮哥表示，現時飲食業的經營環境，比15年前還要差，「依家租金、人工、原材料都貴，成個香港消費模式都改變，鮑參翅肚銷路跌咗，同埋近年海洋受污染，海產供應更加少、品質亦差咗，家禽利潤都降低，真係冇辦法」。
■記者梁延宇
燒鵝賣少七成蘭桂坊無人去
2002年尾，正是鏞記60周年紀念，禮哥憶述，父親甘穗煇當時仍在生，大搞「八仙賀壽」慶祝他90歲生辰，生意穩步上揚之際，怎料數月後遇上沙士，可說是大上大落。
「嗰時個個都唔知乜事，淨係識得洗手！」禮哥指當時整個香港謠言滿天飛，「每日都報走咗幾多人，幾多人留院、要隔離，每一個都好惶恐」。由於當時若不幸有員工染上疫症，全店就要封舖消毒，所以每日開業都如臨大敵，「1比99高溫消毒碗筷、定時抹升降機掣、每人有一對公筷，都係嗰陣時開始有，好多措施依家都仲有實施」。
禮哥指每樓層都有所屬經理，每日開店時，他們就需要為每一位員工量體溫，他更指，當時中環一到晚上就猶如死城，「遊客生意跌八成，燒鵝都賣少七成……蘭桂坊簡直冇人去」。到疫症結束，鏞記密鑼緊鼓宣傳，好像送燒鵝、與其他食肆合作，生意不久回復。禮哥稱與行家更團結，是疫症的意外得着。
鏞記曾經歷多次天災橫禍，對生意各有不同衝擊，但禮哥表示，現時飲食業的經營環境，比15年前還要差，「依家租金、人工、原材料都貴，成個香港消費模式都改變，鮑參翅肚銷路跌咗，同埋近年海洋受污染，海產供應更加少、品質亦差咗，家禽利潤都降低，真係冇辦法」。
■記者梁延宇
留言 (0)
