老食店東主難忘港人團結　蘭芳園二代：見到啲客比以前忟憎咗

【蘋果日報】【沙士15周年】正如時任經濟發展及勞工局局長葉澍堃所講，2003年沙士爆發時「人人唔出街，戴晒口罩，食飯自己食」，中環兩間知名食肆—蘭芳園與鏞記，無論食物平與貴，無一倖免，生意大跌，幸而疫情數月內受控，否極泰來；但相比15年後今日，蘭芳園老闆認為香港人不及沙士時團結，鏞記老闆則大呻生意更難做。這個轉變實在值得令人反思。
記者：梁延宇
由鐵皮車仔檔做到上舖，經歷超過半個世紀，位於中環結志街的蘭芳園現時由第二代主理，老闆之一林俊業坦言，2003年沙士時期可說是店舖數十年來最艱辛的日子。
蘭芳園是中環人出名的「蛇竇」，更是旅客必到的景點之一。林俊業說：「過去（生意）一直都好平穩，當時新聞一報，死嘅人越嚟越多，就即刻靜咗。」
當年外賣七折促銷　幫補生意
見當時生意逐漸下跌，到最後跌至一半，林俊業也始料不及，「成個市況都好差，全行都嗌晒救命，根本維唔到皮」。見生意越來越少，跌到「出糧都唔夠」的地步，幸好各方已率先向他伸出援手，好像供應商會自動跟他商討原材料減價，「甚至有員工同我講，老闆，不如出少啲糧啦」。但他指店舖只有數個伙記，每個都做了很多年，「個個都係自己人，最多自己唔出糧，自己諗點樣捱過呢一關」。
由於店舖空間較小，平時客人都是搭枱，但沙士時期，林俊業指幾乎沒有人願意與陌生人同坐，「啲客情願拎走，正正舖頭附近有個公園仔，情願坐喺嗰邊食」。他見越來越多人叫外賣，就決定推外賣七折促銷，「叫做點都幫補到啲生意」。
林俊業坦言，雖然生意一落千丈，但當時香港人整體上都十分團結，他說：「天災個個都唔想發生，但係冇人知幾時完結，嗰時嚟唔到嘅，我哋都會送過去，有啲熟客好遠都會專情嚟幫襯。」
回想起整個沙士時期，林俊業指整個香港的衞生水平都大大提高。但15年過去，林俊業慨嘆，沙士時港人的團結、守望相助，現時已漸漸褪色，「依家我見到啲客都比以前忟憎咗，成個社會都暴戾咗，15年前大家係隨和啲」。 ■記者梁延宇