建制議員狂罵泛民拉布

【蘋果日報】【周日加班】因應上周流會令一地兩檢條例草案在周日也要加會「開工」，多名建制派議員席間發火，矛頭指向民主派，斥民主派拉布浪費時間，其中保險界陳健波指：「開會有時間有目標，5月（條例草案）就要交去內會同大會，唔可以停留爭議而長期討論。」
陳強調所有會議都應該「有秩序」、「有效率」審議，要求主席適當處理，「時間好有限，次次都唔能夠正經討論，市民好失望，有冇搞錯阿主席，個啲同事（泛民議員）要檢討吓囉」。他並指：「今日星期日嚟㗎喎，幾多人放棄自己應該做嘅事，好似見市民見業界，但喺度浪費時間，好難接受囉。」
自由黨邵家輝亦批評泛民議員提問「完全無關係」，要求盡快審議草案，「今日已經係星期日，已經開了無數咁多次會，噚日（政府）講咗5月之前要完，你（泛民）講無謂事」。
■記者張文鈴