譚耀宗抹黑戴組織港獨工作

【蘋果日報】早前公開斥港大法律學系副教授戴耀廷「掛羊頭賣港獨」，又要求特首林鄭月娥任內為《基本法》23條立法的全國人大常委譚耀宗，昨續批評戴在台灣出席論壇的言論是「講緊分裂主義」，又指戴「唔單止淨係講吓咁簡單」，聲稱戴有做組織、推動工作，但未有指出是具體內容，民主派轟譚在毫無事實根據下抹黑戴。
儘管戴耀廷已多次明言反對港獨，但親建制陣營仍不斷追擊，譚耀宗昨出席一活動再批評戴，「叫啲人發吓夢、諗吓（中共）呢個政權倒台之後，我哋可以去成立國家」，「我覺得呢啲就喺度講緊分裂主義」。
林卓廷斥毫無事實根據
批評更質疑戴耀廷不單止提倡港獨，甚至有實質行動，「佢（戴耀廷）亦都唔單止淨係講吓咁簡單，佢之後背後亦都做咗啲嘢，亦都係做咗組織嘅工作，做咗啲推動嘅工作」，批評戴以言論自由作幌子，但譚卻無指明戴做了哪些行動推動港獨。譚重申希望本屆政府在任期內完成23條立法，指社會出現港獨言論令人擔心，有意見覺得要立法保障國家安全和領土完整。
民主黨林卓廷炮轟譚耀宗的言論缺乏事實根據，他指戴耀廷公開推動過的行動只有佔中及雷動計劃，而兩者從來都與港獨沒關係，狠斥譚耀宗言論荒謬，又質疑譚的說話向來「寧左勿右」，甚至比官方更左，促譚耀宗若有證據的話就拿出來。
■記者呂浩然