新聞類別
港聞
詳情#
【蘋果日報】沙士後香港百業蕭條，政府為推動社會氣氛，邀請導演拍攝短片鼓勵香港精神，發起「1：99電影大行動」，名人紅星劃一只收99元報酬出力團結香港，陳果是當年其中一位參與導演，他找來Shine拍攝名為《小豬不舒服》短片。
當年有世界末日感覺
15年光景轉眼即逝，陳果日前接受本報訪問，憶述疫潮時深深體會香港世界末日感覺，「拍呢條片到依家仲好記得，2003年時香港樓價跌、餐廳減價冇人幫襯、靚酒店可以平住靚房，所有嘢去咗世界末日feel，最深刻係死咗200幾300人，嗰時好興買板藍根，我喺內地買咗好多返香港」。陳果驚嘆香港整體蕭條，巿民不願外出，市面難得清靜，就像年初一時街上景況。
陳果所拍短片以一隻豬出街做主題，花了4日拍攝，他說：「都有難度，係臨時臨急，嗰時拍完《香港有個荷里活》，同一個豬場好熟，沙士同野生動物有關，咁我就拍我同小豬嘅關係。設計隻豬第一次出街，搵咗黃又南同徐天佑幫手帶隻豬坐的士出九龍，揀咗圓方對出一條天橋，可以睇到香港全景，表達隻豬第一次出街見到香港好開心，有啲白癡但正面。」
回望15年前演藝界團結行動，陳果不收分文站出來，他說：「香港人都好慣做善事，例如水災、天災或橫禍都有一種慈善玩法，整體上我覺得政府係帶頭，起碼肯畀錢出嚟做嘢，大家做導演都冇乜收錢，只係工作人員收少少車馬費但唔多。」
被問及有沒有因沙士影響而改變之處，陳果說：「其實冇嘅，過咗又回復番，因為嗰幾年香港發生好多禽流感同其他病症，吸取教訓後又好似冇乜嘢，例如每年都有流感死好多人，但被人重視程度係天同地之分。」沙士後香港雖經歷過渡期，但迅速回復走勢，翌年並開通合拍片，正是香港電影踏入合拍片主導的分水嶺。
除了電影業，音樂界亦有為振興出一分力。2003年5月24日在大球場舉行1：99音樂會籌款，扯頭纜的是當年演藝人協會會長梅艷芳，歌手包括四大天王、譚詠麟、鄭秀文、容祖兒等，籌到1,800萬。搞手之一劉天蘭憶述：「嗰時哥哥（張國榮）啱啱過身，我哋去完悼念，阿梅請食飯話要做啲嘢，發起呢個音樂會。」花了3星期籌備，動員1,500位義工，劉指：「大家好搏命，當時阿梅已經病緊，佢好堅強，想幫助受沙士影響家庭下一代，茁壯行動成立委員會管理善款，大家定期開會批核款項，5年後任務完成出小冊子，我去拜阿梅燒埋畀佢。阿梅出殯時，有一批受惠家庭嚟鞠躬！」
■記者卓寶花、余燕儀
當年有世界末日感覺
15年光景轉眼即逝，陳果日前接受本報訪問，憶述疫潮時深深體會香港世界末日感覺，「拍呢條片到依家仲好記得，2003年時香港樓價跌、餐廳減價冇人幫襯、靚酒店可以平住靚房，所有嘢去咗世界末日feel，最深刻係死咗200幾300人，嗰時好興買板藍根，我喺內地買咗好多返香港」。陳果驚嘆香港整體蕭條，巿民不願外出，市面難得清靜，就像年初一時街上景況。
陳果所拍短片以一隻豬出街做主題，花了4日拍攝，他說：「都有難度，係臨時臨急，嗰時拍完《香港有個荷里活》，同一個豬場好熟，沙士同野生動物有關，咁我就拍我同小豬嘅關係。設計隻豬第一次出街，搵咗黃又南同徐天佑幫手帶隻豬坐的士出九龍，揀咗圓方對出一條天橋，可以睇到香港全景，表達隻豬第一次出街見到香港好開心，有啲白癡但正面。」
回望15年前演藝界團結行動，陳果不收分文站出來，他說：「香港人都好慣做善事，例如水災、天災或橫禍都有一種慈善玩法，整體上我覺得政府係帶頭，起碼肯畀錢出嚟做嘢，大家做導演都冇乜收錢，只係工作人員收少少車馬費但唔多。」
被問及有沒有因沙士影響而改變之處，陳果說：「其實冇嘅，過咗又回復番，因為嗰幾年香港發生好多禽流感同其他病症，吸取教訓後又好似冇乜嘢，例如每年都有流感死好多人，但被人重視程度係天同地之分。」沙士後香港雖經歷過渡期，但迅速回復走勢，翌年並開通合拍片，正是香港電影踏入合拍片主導的分水嶺。
除了電影業，音樂界亦有為振興出一分力。2003年5月24日在大球場舉行1：99音樂會籌款，扯頭纜的是當年演藝人協會會長梅艷芳，歌手包括四大天王、譚詠麟、鄭秀文、容祖兒等，籌到1,800萬。搞手之一劉天蘭憶述：「嗰時哥哥（張國榮）啱啱過身，我哋去完悼念，阿梅請食飯話要做啲嘢，發起呢個音樂會。」花了3星期籌備，動員1,500位義工，劉指：「大家好搏命，當時阿梅已經病緊，佢好堅強，想幫助受沙士影響家庭下一代，茁壯行動成立委員會管理善款，大家定期開會批核款項，5年後任務完成出小冊子，我去拜阿梅燒埋畀佢。阿梅出殯時，有一批受惠家庭嚟鞠躬！」
■記者卓寶花、余燕儀
留言 (0)
