大話賊與烏龍賊半小時分別劫兩7仔

【蘋果日報】油麻地兩間相距十多分鐘路程的7-11便利店，昨凌晨幾乎同時被劫，其中一間損失800元。
事發在昨日凌晨4時，油麻地上海街384號地下7-11便利店，店舖內有兩名職員當值，一人在貨倉執貨，一人在收銀櫃位。一名約40多歲男子闖入，走近收銀櫃位向女職員聲稱打劫。
姓傅24歲女職員不以為意，回答：「打劫？唔好玩啦！佢話『你唔信啊』，作狀咁想喺個袋度攞枝槍出嚟，『有槍，你唔信啊』。我即刻話你認真？佢答係啊，我咪即刻開個櫃畀疊100蚊紙佢，大概1,000元。」其後點算損失800元。
賊人得手奪門而出，向旺角方向逃去。警方到場調查，翻查閉路電視，追緝該名年約40歲至50歲、1.65米高、身型肥胖的賊人下落。他案發時身穿藍色外套及黑色長褲，戴鴨嘴帽。
而幾乎同一時間，一輛物流車到油麻地南京街11號地下7-11回收貨品，46歲姓何男工人打開尾斗將貨品運上貨車，其中一箱是用香煙紙箱裝載的LC換購品。
當工人再將貨品從店內搬出來時，發現該箱換購品不翼而飛，於是報警。警方到場調查，懷疑有人誤以為香煙，順手牽羊偷走。