損港體壇聲譽

【蘋果日報】空手道總會甩難未被DQ，不少議員感詫異，矛頭直指港協暨奧委會，質疑昨日的決定與總會被指涉及的罪狀不成正比，有包庇之嫌。


陳淑莊：究竟係改善定包庇

公民黨陳淑莊認為，港協暨奧委會只要求「屢犯不改、一犯再犯」的空手道總會月內提出改善措施，而沒有提出任何懲罰，有關判決與總會犯下的七大罪狀不成正比，「改善措施同懲罰冇關，唔能夠反映之前所犯嘅錯，（其實）改善措施原本應該第一日已經做，依家呢個要求究竟係改善定包庇呢？」

她擔心日後若有其他體育總會犯錯，今次判決將成案例，影響香港於國際體壇的聲譽，又指如有監察人士知情不報，無即時處理導致總會不斷重演犯錯，相關部門必須重新檢視制度，並指早前得知最嚴重的紀律處分是踢出奧委會。現時卻只要求犯事者提出改善措施，兩者落差大、結果「反高潮」，「當中原因係求情做得好，定當初有誤解？如可以喺保護私隱情況下，判決嘅理據應交代清楚」。


街工梁耀忠指，調查報告中的七大罪狀皆屬嚴重罪行，涉及影響運動員資格，但最終港協只要總會提出改善措施，對犯事者及其他體育總會的阻嚇力不足，「啲罪狀係可見對運動員唔公道，咁輕判決係無法補償受到不合理對待運動員嘅損失，又冇清楚解釋原因，係令人質疑」。


■記者梁佩珊