新聞類別
港聞
詳情#
【蘋果日報】外賣App深得繁忙上班族喜愛，但負責送外賣的車手，卻面對不公平的剝削。Deliveroo（戶戶送）有車手控訴，早前罷工後公司作出不會扣工時及享有飯鐘錢等承諾全部反口，中上環區已有近一成半約10名同事離職，料掀車手離職潮。Deliveroo沒有正面回應是否違反承諾，稱會與車手保持溝通。
記者李詠希
Deliveroo多名車手1月底不滿資方新的編更制度，以不同理由削減工時，變相收少減入，故在上環發起罷工兩日。Deliveroo車手 Michael（化名）稱，罷工後公司曾口頭承諾，答應車手不會扣鐘、享有飯鐘錢及由公司負責「抄牌」罰款，「三樣都講話會做，但事實上只係做咗兩、三個禮拜就唔做」。
Michael續指，原本不少車手獲聘請時，工時每日為11小時，以時薪計算人工。惟在新的編更制下，會由公司設定某些時段所需車手數目，部份車手被扣鐘，變相人工減少。車手大多在午餐和晚餐之間的較靜的時段「被落場」，做法亦違反罷工後的承諾，「幾個幾個（車手）被扣，先揭發到。有啲返得多就被扣5個鐘，有啲同事真係日日被公司扣3個鐘，問我點算，我都唔知」。
他稱，有車手因被剋扣工時，減少5,000至6,000元月入。加上手機被公司安裝GPS，故落場時段亦不能離開原本工作地區，「我哋又唔泊得車、又唔可以做其他工，叫我中間落3個鐘班咁點算？咪坐喺條街日曬雨淋」。至於車手享有飯鐘錢及可獲「抄牌」補助的承諾同樣無法兌現，「本身都應承話飯（鐘）錢會照俾，而家hold咗成個星期，但又俾唔足」。
Michael表示，經歷上次罷工失敗，「無人夠膽再搞（工業行動），唔係驚打壓，而係上次喺條街坐咗兩日，公司都無人落嚟同我哋傾。（車手）再扭計（公司）就會剁，反正請好多新人」。他指，公司反口令前線不少車手都想離職，原有約70名車手的中上環區已有約10人離職，佔該區員工人數近一成半，料車手離職潮會持續，「再扣鐘就變part time。點留啊？業主唔會因為你人工少咗幾千就減你租。其實公司咁樣同打跛自己隻腳無分別」。
飲食及酒店業職工總會組織幹事何鴻興表示，工會收到 Deliveroo外賣車手投訴公司出爾反爾，會跟進事件。勞工處回覆《蘋果》指，關注事件，已主動聯絡涉事雙方了解情況。Deliveroo則說，上次罷工已迅速解決，並承諾車手獲分配的工時，將不會因電單車故障或失竊、交通意外或極端天氣情況等超出車手控制範圍的特殊事故，而受到不利的影響，強調會與送餐專員保持溝通。又稱港島區現有約500名車手，預計車手數量今年會大幅增長。惟沒有回應是否違反承諾及工潮後有多少車手離職。
《蘋果》沙士15周年系列網站，正式登場：
https://hk.feature.appledaily.com/sars15/
記者李詠希
Deliveroo多名車手1月底不滿資方新的編更制度，以不同理由削減工時，變相收少減入，故在上環發起罷工兩日。Deliveroo車手 Michael（化名）稱，罷工後公司曾口頭承諾，答應車手不會扣鐘、享有飯鐘錢及由公司負責「抄牌」罰款，「三樣都講話會做，但事實上只係做咗兩、三個禮拜就唔做」。
Michael續指，原本不少車手獲聘請時，工時每日為11小時，以時薪計算人工。惟在新的編更制下，會由公司設定某些時段所需車手數目，部份車手被扣鐘，變相人工減少。車手大多在午餐和晚餐之間的較靜的時段「被落場」，做法亦違反罷工後的承諾，「幾個幾個（車手）被扣，先揭發到。有啲返得多就被扣5個鐘，有啲同事真係日日被公司扣3個鐘，問我點算，我都唔知」。
他稱，有車手因被剋扣工時，減少5,000至6,000元月入。加上手機被公司安裝GPS，故落場時段亦不能離開原本工作地區，「我哋又唔泊得車、又唔可以做其他工，叫我中間落3個鐘班咁點算？咪坐喺條街日曬雨淋」。至於車手享有飯鐘錢及可獲「抄牌」補助的承諾同樣無法兌現，「本身都應承話飯（鐘）錢會照俾，而家hold咗成個星期，但又俾唔足」。
Michael表示，經歷上次罷工失敗，「無人夠膽再搞（工業行動），唔係驚打壓，而係上次喺條街坐咗兩日，公司都無人落嚟同我哋傾。（車手）再扭計（公司）就會剁，反正請好多新人」。他指，公司反口令前線不少車手都想離職，原有約70名車手的中上環區已有約10人離職，佔該區員工人數近一成半，料車手離職潮會持續，「再扣鐘就變part time。點留啊？業主唔會因為你人工少咗幾千就減你租。其實公司咁樣同打跛自己隻腳無分別」。
飲食及酒店業職工總會組織幹事何鴻興表示，工會收到 Deliveroo外賣車手投訴公司出爾反爾，會跟進事件。勞工處回覆《蘋果》指，關注事件，已主動聯絡涉事雙方了解情況。Deliveroo則說，上次罷工已迅速解決，並承諾車手獲分配的工時，將不會因電單車故障或失竊、交通意外或極端天氣情況等超出車手控制範圍的特殊事故，而受到不利的影響，強調會與送餐專員保持溝通。又稱港島區現有約500名車手，預計車手數量今年會大幅增長。惟沒有回應是否違反承諾及工潮後有多少車手離職。
《蘋果》沙士15周年系列網站，正式登場：
https://hk.feature.appledaily.com/sars15/
留言 (0)
