新聞類別
港聞
詳情#
【蘋果日報】「其實唔使我叫到，佢都應該做啦！」復仇成功，重返議會，建築、測量、都市規劃及園境界謝偉銓當選後第一擊，衝着律政司司長鄭若驊而來，表明要跟進其僭建風波。同陣竟然倒戈？「無論建制或者反建制，你做錯咗嘢，唔係應該面對咩？起碼要解釋番，要面對做錯嘢帶嚟嘅後果」。謝偉銓說：「嗰件事唔啱，冇理由白變黑、黑變白，我畀機會佢（解釋）咋！」
記者：許偉賢
宣誓履新翌日，819號的辦公室，近半地方是「閒置土地」，政府搵地難，謝偉銓則有地無人，大房兩張工作枱，只有一名助理辦公，「呢兩日都係自己寫發言稿」。
2012年勝選，一屆後敗陣，連場宣誓風波，將復仇之路縮短，3.11補選擊敗民主派對手司馬文，重奪建測規園界議席。
當年背着「梁粉」之名，在建制派林雲峰同時進場下敗於姚松炎，今次單對單決戰，特首由梁振英換上林鄭月娥，「ABC（Anyone but CY）」不再，選戰氣氛與2016年大選有別，但謝坦言，「唔係完全冇咗嗰回事」，「始終有啲人都覺得你係保皇黨、係Yes Man，之不過冇再label你係乜嘢fans」。
最終以近3,000票、55.5%得票率當選，謝偉銓認為結果反映選民重經濟多於政治，「業界真係面對好大壓力，事業啦、生活啦，（覺得）講政治都講咗幾年啦，似乎情況都係停留不動，反而磨擦多咗……所以想搵一個想推動發展、多過搵理念好崇高嘅人」。
「關乎建測界嘅問題」
但非來自業界的對手得票卻也逾2,300票？謝承認部份選民確實用理念投票，「親政府嘅我唔鍾意、我希望要反政府嘅，呢啲（情況）我都要去疏導囉」。
3.11當選後接受傳媒訪問，即表明跟進鄭若驊僭建風波，有民主派業界難以置信，謝卻指跟進此問題，無分陣營：「僭建同我哋行業有好大關係，過去嚟講，有啲法規、人手未必配合到，呢個問題都困擾業界，所以係關乎業界嘅問題、而公眾都好關注，我覺得應該跟進……跟進自然係會帶出，司長本身都有僭建，大家都想知，究竟（件事）係點㗎啫？」
問及鄭若驊以至林鄭多次以「冇為意」為解釋，謝是否不接受？「佢（鄭）可以講好多嘢，之不過大家對佢嘅解釋同說法，接唔接受箒」，認為若鄭清楚交代，市民自可判斷。他補充，「政府話要處理僭建問題，係要人手、要法規去處理，大家都明依家要攞個order（入屋手令）都有啲困難，要好多程序等等，導致處理或堵塞漏洞時造成問題，要改變都要法律支援㗎嘛……咁你本身係律政司司長，呢方面你係嗰個範疇，你又係第一身有啲僭建問題，點樣解決呢？佢可能有更好嘅睇法，（例如）你話你唔知道（僭建），咁點樣可以令人知道多啲呢？」
記者：許偉賢
宣誓履新翌日，819號的辦公室，近半地方是「閒置土地」，政府搵地難，謝偉銓則有地無人，大房兩張工作枱，只有一名助理辦公，「呢兩日都係自己寫發言稿」。
2012年勝選，一屆後敗陣，連場宣誓風波，將復仇之路縮短，3.11補選擊敗民主派對手司馬文，重奪建測規園界議席。
當年背着「梁粉」之名，在建制派林雲峰同時進場下敗於姚松炎，今次單對單決戰，特首由梁振英換上林鄭月娥，「ABC（Anyone but CY）」不再，選戰氣氛與2016年大選有別，但謝坦言，「唔係完全冇咗嗰回事」，「始終有啲人都覺得你係保皇黨、係Yes Man，之不過冇再label你係乜嘢fans」。
最終以近3,000票、55.5%得票率當選，謝偉銓認為結果反映選民重經濟多於政治，「業界真係面對好大壓力，事業啦、生活啦，（覺得）講政治都講咗幾年啦，似乎情況都係停留不動，反而磨擦多咗……所以想搵一個想推動發展、多過搵理念好崇高嘅人」。
「關乎建測界嘅問題」
但非來自業界的對手得票卻也逾2,300票？謝承認部份選民確實用理念投票，「親政府嘅我唔鍾意、我希望要反政府嘅，呢啲（情況）我都要去疏導囉」。
3.11當選後接受傳媒訪問，即表明跟進鄭若驊僭建風波，有民主派業界難以置信，謝卻指跟進此問題，無分陣營：「僭建同我哋行業有好大關係，過去嚟講，有啲法規、人手未必配合到，呢個問題都困擾業界，所以係關乎業界嘅問題、而公眾都好關注，我覺得應該跟進……跟進自然係會帶出，司長本身都有僭建，大家都想知，究竟（件事）係點㗎啫？」
問及鄭若驊以至林鄭多次以「冇為意」為解釋，謝是否不接受？「佢（鄭）可以講好多嘢，之不過大家對佢嘅解釋同說法，接唔接受箒」，認為若鄭清楚交代，市民自可判斷。他補充，「政府話要處理僭建問題，係要人手、要法規去處理，大家都明依家要攞個order（入屋手令）都有啲困難，要好多程序等等，導致處理或堵塞漏洞時造成問題，要改變都要法律支援㗎嘛……咁你本身係律政司司長，呢方面你係嗰個範疇，你又係第一身有啲僭建問題，點樣解決呢？佢可能有更好嘅睇法，（例如）你話你唔知道（僭建），咁點樣可以令人知道多啲呢？」
留言 (0)
