「如果賊人係男人，我條命凍過水」

【蘋果日報】「如果（個賊）係男人，我條命仔就凍過水！」在旺角鬧市街頭遭女賊從後用鐵鎚扑頭行劫的相機店東主祖哥，昨出院回家，他向《蘋果》稱今次十分好彩，若賊人是高大惡男「男人大力好多」，自己恐凶多吉少。事件中，他被打爆頭，右後腦留下1吋傷口，醫生替他縫3針，預計5日後拆線，算是大步檻過。
祖哥憶述，遇襲時感後腦陣陣劇痛，「可能被扑頭兩、三下」，負傷轉身見到女賊，「我問佢乜事，大家打咗個照面，跟住佢掉咗鎚仔走咗，冇出過聲」。
以為大街大巷存款安全
祖哥事後自覺好彩，他坦言，若扑頭賊是彪形大漢，遭重砸頭部恐已倒卧血泊，非死即重傷。
他續稱，由於數碼相機銀碼大，「賣部機都一萬幾千元」，若生意好時營業額可以很大，但為怕日間到銀行排隊浪費時間，故選擇深夜到銀行自動櫃員機存款，以為「大街大巷安全啲，其實當時夜晚10點幾都唔算夜，嗰度好多人」，未料女賊竟明目張膽當街揮鐵鎚行劫。
他指經此一役，未來會轉變存款方式，「或者朝早搵人去入錢」，以策安全。
■記者姜偉康