新聞類別
財經
詳情#
【蘋果日報】
新世界（017）執行副主席鄭志剛（Adrian）大力開拓教育產業，旗下維多利亞幼園噚日宣佈同哈佛推「創造家」教育課程，久未露面嘅老婆余雅穎（Jennifer）都有幫手搞，咁多年無見仲係鄰家女孩嘅模樣。
話說Adrian同老婆等家族成員，舊年成立周大福教育集團，旗下名牌幼園維多利亞同哈佛大學教育研究院，合作發展「創造家」幼兒教育課程，度身打造Playbook及教學工具等，提升現有嘅STEAM（科學、技術、工程、藝術、數學）課程上，希望學生有探索、創新、解難精神。
簡單啲講，香港8間維記嘅校長同老師教學方法，會因為哈佛嘅訓練有所提升，新教學法會喺今年推出，另外學費唔會因為咁而增加，師生比例仲係1:8。
Adrian同Jennifer兩位目前係周大福教育嘅執行董事，而Adrian係維記副主席，Jennifer就係校董，唔知兩位喺公事上嘅合作，會唔會有新火花呢？
李華華
LiWaWa@AppleDaily.com
新世界（017）執行副主席鄭志剛（Adrian）大力開拓教育產業，旗下維多利亞幼園噚日宣佈同哈佛推「創造家」教育課程，久未露面嘅老婆余雅穎（Jennifer）都有幫手搞，咁多年無見仲係鄰家女孩嘅模樣。
話說Adrian同老婆等家族成員，舊年成立周大福教育集團，旗下名牌幼園維多利亞同哈佛大學教育研究院，合作發展「創造家」幼兒教育課程，度身打造Playbook及教學工具等，提升現有嘅STEAM（科學、技術、工程、藝術、數學）課程上，希望學生有探索、創新、解難精神。
簡單啲講，香港8間維記嘅校長同老師教學方法，會因為哈佛嘅訓練有所提升，新教學法會喺今年推出，另外學費唔會因為咁而增加，師生比例仲係1:8。
Adrian同Jennifer兩位目前係周大福教育嘅執行董事，而Adrian係維記副主席，Jennifer就係校董，唔知兩位喺公事上嘅合作，會唔會有新火花呢？
李華華
LiWaWa@AppleDaily.com
留言 (0)
