影帝古天樂踩足全日

【蘋果日報】在24小時內獲兩個影帝獎的古天樂，昨日在灣仔會展出席多場娛樂影視展活動。早上他先為周顯揚導演、改編自同名電玩的電影《真．三國無雙》亮相，戲中古仔飾演戰神呂布，同場還有演「關羽」的韓庚及「袁紹」呂良偉。


古天樂自言這款電玩自小就玩：「呂布最好打，又高人一等，我要去增高。」司儀又對他造型中的兩條雉尾非常有興趣，古仔說：「其實我個頭飾好高，冇乜人掂到我兩支嘢。」韓庚拍攝前除了練關刀，亦要健身增強肌肉。之後古仔又再出席《家和萬事驚》的宣傳活動，然後再以香港國際電影節大使身份，為電影節舉行揭幕。


另外，前晚在導演會的春茗上，古仔獲頒最佳男主角獎，心情大靚的他被劉偉強捉上台獻唱。台下即時起哄要求他唱首本《男朋友》，不過他只肯唱譚詠麟的《一生中最愛》。


採訪、攝影：張俊銘、卓寶花