新聞類別
財經
詳情#
【蘋果日報】
恒地（012）主席「四叔」李兆基早年發宏願，喺自傳寫明話恒指破3萬點，佢就每年捐10億元，噚日先撥1億元找數，用李兆基基金名義捐出1億元，畀保良局重建總局東翼，擴展社會服務。
噚日四叔帶埋大仔李家傑、細仔李家誠，加埋林高演等幾位恒地高層，同保良局主席陳細潔、副主席何超鳳等簽捐款備忘錄。陳主席話捐款會用喺銅鑼灣總局重建，完成後住宿兒童服務、育嬰院、幼稚園同幼兒中心等，都有望增加名額。
先捐一億找數
另外，四叔3年前捐元朗馬田壆塊地，畀保良局發展青年宿舍，保良局發言人話，家陣仲排緊立法會工務小組審批，起好後將會提供1,600個宿位，會係全港最大嘅青年宿舍，而且租金平市值一半。
唔少花生友想知，四叔今次捐1億，剩下9億幾時找數呢？恒地發言人話，今次只係第一筆，仲有10個proposal睇緊，保證會捐畀慈善機構。有網民講笑話，恒指已經三萬點，四叔只係捐咗1億元，即係呢個項目或然負債達9億。
值得一提嘅係，四叔早年宏願包括「恒指見四萬點，每年捐20億」。港股今年1月曾經大調整，不過慢慢回氣，升上4萬都唔係冇可能，可能四叔到時要加碼。
李華華
mailto:LiWaWa@AppleDaily.com
李華華
LiWaWa@AppleDaily.com
恒地（012）主席「四叔」李兆基早年發宏願，喺自傳寫明話恒指破3萬點，佢就每年捐10億元，噚日先撥1億元找數，用李兆基基金名義捐出1億元，畀保良局重建總局東翼，擴展社會服務。
噚日四叔帶埋大仔李家傑、細仔李家誠，加埋林高演等幾位恒地高層，同保良局主席陳細潔、副主席何超鳳等簽捐款備忘錄。陳主席話捐款會用喺銅鑼灣總局重建，完成後住宿兒童服務、育嬰院、幼稚園同幼兒中心等，都有望增加名額。
先捐一億找數
另外，四叔3年前捐元朗馬田壆塊地，畀保良局發展青年宿舍，保良局發言人話，家陣仲排緊立法會工務小組審批，起好後將會提供1,600個宿位，會係全港最大嘅青年宿舍，而且租金平市值一半。
唔少花生友想知，四叔今次捐1億，剩下9億幾時找數呢？恒地發言人話，今次只係第一筆，仲有10個proposal睇緊，保證會捐畀慈善機構。有網民講笑話，恒指已經三萬點，四叔只係捐咗1億元，即係呢個項目或然負債達9億。
值得一提嘅係，四叔早年宏願包括「恒指見四萬點，每年捐20億」。港股今年1月曾經大調整，不過慢慢回氣，升上4萬都唔係冇可能，可能四叔到時要加碼。
李華華
mailto:LiWaWa@AppleDaily.com
李華華
LiWaWa@AppleDaily.com
留言 (0)
