少女立志做護士　今難再實現理想

【蘋果日報】懷疑因聯合醫院出錯，導致左邊半身不遂的15歲少女，原來自小立志成為一名護士。其母透露，女兒一直為志願奮鬥，就讀中四時已備戰DSE，未料現時卻是因為醫療事故，恐難再實現理想。
母：成家人都好痛苦
陳太昨談及女兒病情時，不禁激動落淚，指女兒一向乖巧，讀書勤力，現時就讀中四已經為文憑試備戰，主動報讀補習社補課，希望能夠入讀大學護理系，立志成為一名護士，「佢見到哥哥影大學畢業相，攞阿哥啲畢業袍、畢業帽影相，話要讀大學」。
陳太續表示「我覺得聯合（醫院）要負起責任」，她稱女兒現時飽受中風之痛，半身不遂，視力和語言能力均嚴重受到損害，「佢依家先15歲，半身不遂，自理能力都冇埋，可能冇得再返學、工作，乜都做唔到，對佢打擊好大」，陳太心痛女兒身體和心靈都承受巨大傷痛，「我哋成家人都好痛苦」。
問哥哥：我點解搞成咁
較妹妹年長8歲的哥哥陳先生說，妹妹很愛吃甜品，年紀輕輕已經常入廚，惟現時受中風影響吞嚥能力，「乜都食唔到」。
陳先生表示，妹妹現時雖然清醒，但是因為聲帶受損，只能夠靠口形溝通，「佢問我點解無端端會搞成咁，我都唔知點應佢」，談到妹妹病情時更不禁聲淚俱下。
■記者梁銘恩