黃進下齣作品輕鬆啲

【蘋果日報】黃進執導電影《一念無明》，昨在頒獎禮成大贏家，導演黃進憑此片摘下「最港導演」、「最港電影」及「評審團最港大獎」三個獎項，黃進說：「呢個頒獎禮好好，始終呢度係我哋自己嘅地方，有我哋自己嘅語言，做電影嘅語言同文化，全部都係同一條根，所以特別有共鳴。」黃進表示手上有幾個方案，下一部作品仍以香港題材出發。《一》片題材較沉重，黃進謂下部戲會輕鬆一點：「但又唔會太過輕鬆，會畀一啲想像空間大家。」
黃進從曾獲金像獎兼金馬獎最佳導演杜琪峯手上接過「最港導演」和「最港電影」兩個獎項，黃進說：「我好想多謝佢，最大嘅港產片營養、啟蒙，係來自杜生銀河映像，銀河映像不停示範究竟香港電影能夠點樣精緻得嚟而瘋狂，多變得嚟又有佢嘅風骨喺度，呢個係我由細到大對港產片嘅理解。」
《一》片改編自真實個案，余文樂飾演的阿東因工作壓力及需獨力照顧病重母親，而患上躁鬱症並失業，他替失禁母親沖涼時意外導致母親死亡。父親曾志偉驚覺因自己逃避釀成悲劇，遂應醫院建議接兒子與他一同生活，父子在劏房相處時又出現問題。