想分身家　叫母「快啲死」

【蘋果日報】涉搶槍疑犯在沙田廣林苑可說是街知巷聞的逆子，不務正業，經常嚷着母親賣樓「分身家」，母親稍有不從便呼喝「你快啲去死啦」，又經常飲至酩酊大醉，街坊均避之則吉。
父死前囑勿分錢予兩子
與疑犯一家相熟的屋苑女清潔工透露，男戶主早年因癌病去世，遺下女戶主養大兩名兒子。疑犯為長子，只間中做裝修散工，其餘時間留在家中，經常飲至爛醉便呼喝母親：「我唔想見到你，即刻同我消失！」近月更不時嚷着要母親賣樓，「年卅晚、初一都嘈，唔知報過幾多次警。」
有鄰居稱，男戶主留下遺言叮囑妻子即使賣樓也不能分錢給兩子。「自己袋，都唔好畀兩個仔，因為兩個仔都唔生性。」惟女戶主愛錫幼子，前年1月將單位加按65萬元給了幼子，惹來長子不滿。沙田區議員王虎生表示，涉事單位多次發出噪音，街坊曾向管理處投訴，管理處經理兩日前才向他求助。王曾向女戶主查詢，惟事件屬家庭糾紛，女戶主又指毋須協助，他只好着管理處密切注意該單位。
據土地註冊處資料顯示，涉事單位於1989年10月以23.92萬元由買入，業主為疑犯父母聯名持有。廣林苑近年樓宇買賣甚為活躍，與疑犯居住單位面積相若的同邨低層單位，上月7日的成交價達401萬元。
■記者黎志偉、張培生