新聞類別
財經
詳情#
【蘋果日報】
英皇鐘錶珠寶（887）主席兼行政總裁、楊受成大女楊諾思，每次出席業績會一定打扮得貴氣迫人。噚日出席業績記者會嘅佢，戴住一套價值200萬嘅首飾示人，猶如帶住一筆首期上身。
其實套首飾係楊小姐親自設計嘅高級珠寶系列，新品牌有埋楊小姐個名，叫「L'Atelier Cindy Yeung」。楊小姐話，身上帶住嗰套係上年11月推出，靈感來自秋天嘅樹葉同花花草草，覺得花草嘅顏色好靚，佢特別提到，為咗令套首飾更年輕同型格，襯托藍鑽揀咗配搭灰色，而唔係白色，因為白色雖然貴氣，但就會比較老積。咁detail嘅細節都考慮到，楊小姐果然心思細密。
楊小姐預告，今年11月自有品牌會再推出新產品，不過細節未透露得住，唔知佢會唔會問吓老公張堅庭嘅意見呢？
李華華
李華華
LiWaWa@AppleDaily.com
英皇鐘錶珠寶（887）主席兼行政總裁、楊受成大女楊諾思，每次出席業績會一定打扮得貴氣迫人。噚日出席業績記者會嘅佢，戴住一套價值200萬嘅首飾示人，猶如帶住一筆首期上身。
其實套首飾係楊小姐親自設計嘅高級珠寶系列，新品牌有埋楊小姐個名，叫「L'Atelier Cindy Yeung」。楊小姐話，身上帶住嗰套係上年11月推出，靈感來自秋天嘅樹葉同花花草草，覺得花草嘅顏色好靚，佢特別提到，為咗令套首飾更年輕同型格，襯托藍鑽揀咗配搭灰色，而唔係白色，因為白色雖然貴氣，但就會比較老積。咁detail嘅細節都考慮到，楊小姐果然心思細密。
楊小姐預告，今年11月自有品牌會再推出新產品，不過細節未透露得住，唔知佢會唔會問吓老公張堅庭嘅意見呢？
李華華
李華華
LiWaWa@AppleDaily.com
留言 (0)
