新聞類別
港聞
詳情#
【蘋果日報】港人自小知道「馬路如虎口」，惟在一眾職業司機以及駕駛者眼中，車多路窄的馬路更像一個戰場。網上不時有車主上載與巴士碰撞的車cam片，有人指控巴士霸道，有人支持巴士有理。資深車評人嘗試以駕駛者角度，剖析為何巴士與其他司機每日上演「矛盾大對決」；巴士車長亦會現身說法，一探是否全因駕駛態度之過，且聽他們怎樣說。
網上以巴士為主角的車cam片段，大多圍繞轉線問題，有人批評「近年好多巴士司機話cut就cut」、「一cut阻晒三條線」。有廿年駕駛經驗的車評人Lawrence，表示若在較多巴士行駛的道路駕駛，要留意巴士在中線隨時轉左埋站，另外切勿在巴士轉線時「畀油過」，「其實巴士司機睇到嘅嘢唔係你想像中咁多，你想過佢時你架車可能啱啱陷入佢嘅盲點，佢睇唔到你就會撞落你度。」
有駕駛者不滿有巴士轉線時阻塞三線，Lawrence認為全因巴士路線規劃問題，令巴士靠左埋站後，「佢係要cut兩條甚至乎三條線去行返原有路線，除咗危險，亦都係做成交通擠塞嘅致命原因之一。」
和巴士司機同樣駕駛「搵食車」，小巴司機敖生形容，所有能想像到的磨擦都會和巴士在路面發生，「我上落緊客，佢（巴士）喺後面一個拋頭攔腰閘住！我就走唔到；佢有時做又36唔做又36，有時又搏晒老命，仲犀利過我哋。」
任職巴士車長31年、九巴僱員工會主席郭志誠解釋，車身12米的巴士要用較長時間起步、轉線，亦不能大幅度轉向，「通常打咗燈微微咁慢慢切線，但係好多時而家見巴士打燈（其他車）就快快趣加油上，其實對自己、巴士乘客都構成危險。」他強調車長要按指定路線行駛，而且轉彎轉線遠不如私家車容易，到站後有時要橫跨三線，「個距離係好短，唔夠時間慢慢cut過去，所以有時短促啲去cut線。」
郭又無奈指，一般需兩架半巴士位才足夠準確埋站，方便輪椅使用者上落，但因不少巴士站停泊其他車輛而難以埋站，令巴士要打斜在馬路面上落乘客，構成危險。他亦希望運輸署提醒駕駛者，巴士轉彎時有盲點易生意外，「佢轉嗰時你架車未到喺個鏡度係睇唔到你，所以一轉彎你啱啱到就好似夾到你咁。」
至於為何有車長駕駛時較為趕急，如廁時亦要「趕頭趕命」？郭就指，車長一般每更要駕駛至少十小時，巴士公司因注重成本效益，不會預留時間予車長在每班車之間休息，「例如呢個車程係個半鐘，你行1個鐘頭20分咁咪有10分鐘你架囉，通常就冇架，去到就走架喇（開下一班）。」近年巴士公司推出可報到站時間的手機app，原來亦加重車長壓力，郭指因實際運作時會碰到不同問題，例如塞車或有人在車上爭執等，「咁如果app報咗出嚟果個鐘數你又唔能夠嚟到呢，乘客覺得有少少受騙，佢一埋怨通常就向司機發洩。」
今年2月有法官曾形容雙層巴士在馬路上有如「重磅炸彈」，容易引起嚴重交通事故，近年公眾逐漸關注巴士車長的駕駛問題。駕駛態度固然重要，但郭志誠表示，巴士車長要承受的工作壓力、是否有足夠休息時間、薪酬問題、工時過長等情況尚未解決，亦或多或少影響車長情緒，長遠令車長流失率高，亦致易引發與乘客、其他駕駛者的矛盾。
「咁嘅工資佢認為唔值得承擔咁嘅責任，又要坐監又要被人投訴又要被辱罵，係令到佢哋唔想留低，」郭表示法庭亦稱呼車長為「專業車長」，對相關駕駛態度、行為要求均高於大一般職業司機，但因不合理工資令人不願付出誠意對待工作，「如果佢係畀一個專業嘅有尊嚴嘅工資畀個車長，車長忍耐力一定高好多，盡量會了解乘客需要，亦都會關心佢多啲。」他回憶，「以前入職兩三年就會返學堂再培訓過，嗰個叫優質駕駛，而家冇晒喇，因為流失大又要成日將資源用嚟搵新人。」
Lawrence坦言，身為駕駛者亦明白車長壓力，多年來馬路上「巴士越多越大部」，「架車咁大其實你困住一個咁細嘅空間，你嘅責任好重唔可以有任何差池，好多人命喺你手；所以都係大家互相體諒，互相禮讓。」他笑言，在馬路上不必急於與巴士相爭，「香港嘅道路十分之擠塞，你超過咗架巴士，其實你都係難逃呢個塞車嘅厄運。」
記者：黃翠儀
攝影：彭志行、王心義、朱家駿
網上以巴士為主角的車cam片段，大多圍繞轉線問題，有人批評「近年好多巴士司機話cut就cut」、「一cut阻晒三條線」。有廿年駕駛經驗的車評人Lawrence，表示若在較多巴士行駛的道路駕駛，要留意巴士在中線隨時轉左埋站，另外切勿在巴士轉線時「畀油過」，「其實巴士司機睇到嘅嘢唔係你想像中咁多，你想過佢時你架車可能啱啱陷入佢嘅盲點，佢睇唔到你就會撞落你度。」
有駕駛者不滿有巴士轉線時阻塞三線，Lawrence認為全因巴士路線規劃問題，令巴士靠左埋站後，「佢係要cut兩條甚至乎三條線去行返原有路線，除咗危險，亦都係做成交通擠塞嘅致命原因之一。」
和巴士司機同樣駕駛「搵食車」，小巴司機敖生形容，所有能想像到的磨擦都會和巴士在路面發生，「我上落緊客，佢（巴士）喺後面一個拋頭攔腰閘住！我就走唔到；佢有時做又36唔做又36，有時又搏晒老命，仲犀利過我哋。」
任職巴士車長31年、九巴僱員工會主席郭志誠解釋，車身12米的巴士要用較長時間起步、轉線，亦不能大幅度轉向，「通常打咗燈微微咁慢慢切線，但係好多時而家見巴士打燈（其他車）就快快趣加油上，其實對自己、巴士乘客都構成危險。」他強調車長要按指定路線行駛，而且轉彎轉線遠不如私家車容易，到站後有時要橫跨三線，「個距離係好短，唔夠時間慢慢cut過去，所以有時短促啲去cut線。」
郭又無奈指，一般需兩架半巴士位才足夠準確埋站，方便輪椅使用者上落，但因不少巴士站停泊其他車輛而難以埋站，令巴士要打斜在馬路面上落乘客，構成危險。他亦希望運輸署提醒駕駛者，巴士轉彎時有盲點易生意外，「佢轉嗰時你架車未到喺個鏡度係睇唔到你，所以一轉彎你啱啱到就好似夾到你咁。」
至於為何有車長駕駛時較為趕急，如廁時亦要「趕頭趕命」？郭就指，車長一般每更要駕駛至少十小時，巴士公司因注重成本效益，不會預留時間予車長在每班車之間休息，「例如呢個車程係個半鐘，你行1個鐘頭20分咁咪有10分鐘你架囉，通常就冇架，去到就走架喇（開下一班）。」近年巴士公司推出可報到站時間的手機app，原來亦加重車長壓力，郭指因實際運作時會碰到不同問題，例如塞車或有人在車上爭執等，「咁如果app報咗出嚟果個鐘數你又唔能夠嚟到呢，乘客覺得有少少受騙，佢一埋怨通常就向司機發洩。」
今年2月有法官曾形容雙層巴士在馬路上有如「重磅炸彈」，容易引起嚴重交通事故，近年公眾逐漸關注巴士車長的駕駛問題。駕駛態度固然重要，但郭志誠表示，巴士車長要承受的工作壓力、是否有足夠休息時間、薪酬問題、工時過長等情況尚未解決，亦或多或少影響車長情緒，長遠令車長流失率高，亦致易引發與乘客、其他駕駛者的矛盾。
「咁嘅工資佢認為唔值得承擔咁嘅責任，又要坐監又要被人投訴又要被辱罵，係令到佢哋唔想留低，」郭表示法庭亦稱呼車長為「專業車長」，對相關駕駛態度、行為要求均高於大一般職業司機，但因不合理工資令人不願付出誠意對待工作，「如果佢係畀一個專業嘅有尊嚴嘅工資畀個車長，車長忍耐力一定高好多，盡量會了解乘客需要，亦都會關心佢多啲。」他回憶，「以前入職兩三年就會返學堂再培訓過，嗰個叫優質駕駛，而家冇晒喇，因為流失大又要成日將資源用嚟搵新人。」
Lawrence坦言，身為駕駛者亦明白車長壓力，多年來馬路上「巴士越多越大部」，「架車咁大其實你困住一個咁細嘅空間，你嘅責任好重唔可以有任何差池，好多人命喺你手；所以都係大家互相體諒，互相禮讓。」他笑言，在馬路上不必急於與巴士相爭，「香港嘅道路十分之擠塞，你超過咗架巴士，其實你都係難逃呢個塞車嘅厄運。」
記者：黃翠儀
攝影：彭志行、王心義、朱家駿
留言 (0)
