新聞類別
財經
詳情#
【蘋果日報】
財經界本周大事，肯定係後日長和系四間上市公司罕有地同日公佈業績，大家密切期待主席李嘉誠有冇重大事情宣佈。不過大家又唔可以咁偏心，只係關注呢位老人家，查實當日亦係恒基地產（012）主席李兆基（四叔）89歲大壽嘅日子呀！
首屆受助者年近花甲
四叔每年大壽當晚，都會喺半山大宅設宴十幾圍，招呼親友與集團高層，聽聞今年多咗一場特別嘅壽宴。話說四叔曾經有28年時間，每年資助3、4名家境清貧嘅學生負笈英國牛津升學，10年前先至因大學政策改善，而停辦呢個資助計劃。數數手指，四叔喺28年間，資助過百名學生喺牛津畢業，第一屆受資助嘅學生如今都差唔多花甲之年。
呢班出自牛津嘅「李兆基學人」好有心，前日星期一，其中38人聚首一堂，喺中環國金軒請四叔食生日飯，當中3人就係首屆受資助嘅學生，生日當然有禮物收，據聞呢班學人送上三份禮物，包括八仙賀壽金牌、賀壽水墨畫，仲有一對對聯。
有趣嘅係，呢百名「李兆基學人」竟然冇一位幫四叔打工，全部各有天地，各有成就，共通點係有機會就出錢出力幫人。
講開又講，李嘉誠只係大過四叔一年，誠哥今年牛一就係90歲，四叔生日後89歲，點解誠哥係「哥」，四叔係「叔」呢?
李華華
mailto:LiWaWa@AppleDaily.com
李華華
LiWaWa@AppleDaily.com
財經界本周大事，肯定係後日長和系四間上市公司罕有地同日公佈業績，大家密切期待主席李嘉誠有冇重大事情宣佈。不過大家又唔可以咁偏心，只係關注呢位老人家，查實當日亦係恒基地產（012）主席李兆基（四叔）89歲大壽嘅日子呀！
首屆受助者年近花甲
四叔每年大壽當晚，都會喺半山大宅設宴十幾圍，招呼親友與集團高層，聽聞今年多咗一場特別嘅壽宴。話說四叔曾經有28年時間，每年資助3、4名家境清貧嘅學生負笈英國牛津升學，10年前先至因大學政策改善，而停辦呢個資助計劃。數數手指，四叔喺28年間，資助過百名學生喺牛津畢業，第一屆受資助嘅學生如今都差唔多花甲之年。
呢班出自牛津嘅「李兆基學人」好有心，前日星期一，其中38人聚首一堂，喺中環國金軒請四叔食生日飯，當中3人就係首屆受資助嘅學生，生日當然有禮物收，據聞呢班學人送上三份禮物，包括八仙賀壽金牌、賀壽水墨畫，仲有一對對聯。
有趣嘅係，呢百名「李兆基學人」竟然冇一位幫四叔打工，全部各有天地，各有成就，共通點係有機會就出錢出力幫人。
講開又講，李嘉誠只係大過四叔一年，誠哥今年牛一就係90歲，四叔生日後89歲，點解誠哥係「哥」，四叔係「叔」呢?
李華華
mailto:LiWaWa@AppleDaily.com
李華華
LiWaWa@AppleDaily.com
留言 (0)
