撐姚選民：由大陸落嚟係為民主

【蘋果日報】美孚新邨是姚松炎由大學教書走進政壇幕前的地方，他當年為居民抗擊屏風樓，踢爆地產商使用不正確的地積比率，故昨早首個街站回到美孚力爭支持。有選民指自己由內地來港，為的是要呼吸民主自由的空氣，支持姚松炎代市民監察政府。
深水埗美孚中區議員伍月蘭昨指，2011年美孚新邨屏風樓事件，多得姚松炎出手相助，利用專業知識為市民解困，故呼籲選民票投姚松炎。
輪椅女讚為民發聲
居於美孚新邨的符小姐指自己十多歲由內地來港，為的是香港的自由空氣，「唔使聽阿爺（中央）講，我都係大陸落嚟，我點解要嚟香港呢？為咗自由民主，大陸真係冇自由民主，蛇齋餅糭我唔啱」。
她指支持姚松炎在議會監察政府，直指政府取消議員資格「梗係唔啱」，故要用選票將議員送回立法會，「人哋當選，係人民畀票佢，我哋香港選民畀票佢，佢為我哋爭取，有乜唔啱？」
同樣居於美孚、坐輪椅到票站的陳小姐則指每次選舉均會投票，「就算住醫院我都請假出嚟投票」，並指力撐姚松炎，她解釋，姚松炎和朱凱廸在橫洲事件表現突出，利用專業知識為民發聲，認為姚松炎在議會的表現能為市民說出心聲，「我哋立法會係同北京人大政協唔同，我哋有自己嘅法制，有公平、合理、公義、自由，所以我選擇姚松炎做我嘅代議士，因為佢比較公道」。
■記者姚國雄