新聞類別
財經
詳情#
【蘋果日報】今年市場最關注嘅股份非港交所（388）莫屬，大家都憧憬同股不同權、H股全流通等利好消息帶動股價。耀才證券（1428）主席葉茂林出席公司推廣活動嗰陣就同記者講，自己好支持港交所，有成百幾萬股係手。以上周五收市價計，呢批股份最少值2.84億港紙！
事實上，根據港交所披露權益（SDI），就算連港交所行政總裁李小加都只係得唔夠94萬股港交所，無葉茂林咁多持倉，所以華華覺得葉茂林呢句「好支持港交所」堅有說服力。順帶一提，葉茂林無透露到自己對港交所嘅目標價，只係話同股不同權會帶動到股價表現。投資者到時可能要自己睇位沽貨啦！
至於整體大市，葉茂林就覺得，港股上半年都仲係好嘅，但下半年就有機會表現得差啲啦，因為美國加息同減稅隨時令資金由歐亞市場撤退，令相關貨幣貶值並促使各央行加息，引發連鎖效應，甚至連物業價格都有機會受到影響添。葉茂林又補充，自己已經儲咗彈藥，有機會喺下半年執吓平貨，當中首選股票，亦會依次考慮豪宅、寫字樓、商鋪、一般住宅等。
李華華
LiWaWa@AppleDaily.com
事實上，根據港交所披露權益（SDI），就算連港交所行政總裁李小加都只係得唔夠94萬股港交所，無葉茂林咁多持倉，所以華華覺得葉茂林呢句「好支持港交所」堅有說服力。順帶一提，葉茂林無透露到自己對港交所嘅目標價，只係話同股不同權會帶動到股價表現。投資者到時可能要自己睇位沽貨啦！
至於整體大市，葉茂林就覺得，港股上半年都仲係好嘅，但下半年就有機會表現得差啲啦，因為美國加息同減稅隨時令資金由歐亞市場撤退，令相關貨幣貶值並促使各央行加息，引發連鎖效應，甚至連物業價格都有機會受到影響添。葉茂林又補充，自己已經儲咗彈藥，有機會喺下半年執吓平貨，當中首選股票，亦會依次考慮豪宅、寫字樓、商鋪、一般住宅等。
李華華
LiWaWa@AppleDaily.com
留言 (0)
