Fairlady炒壆凌空180度傷頭司機面青青

【蘋果日報】天水圍天耀邨對開昨晨發生驚險車禍，有如正在拍攝飆車特技場面。昨早9時，一輛馬力近300匹的日產Fairlady跑車，沿天水圍天耀路往元朗方向行駛，至天耀邨對開失控撞向左邊石壆，其間撞斷一棵8米高的樹，並凌空飛起再墮地，車頭嚴重損毀，車上男司機頭部受傷，經救護員包紥後，拒絕送院，警方正展開調查。
讀者謝先生於事發時剛巧駕車經過對面行車線，車cam拍攝到Fairlady炒車一刻。從片段可見，Fairlady高速沿快線行駛，至輕鐵天耀站對開時失控，並傳出剎車聲，Fairlady隨後衝向左邊石壆，左車頭撞到石壆後，整輛車凌空飛起，撞斷一棵大樹後，在空中打轉180度再墮地。
另一名讀者陳先生，事發時則在現場附近巴士站等候巴士，他指事發時傳出一聲巨響，「車應該炒咗上壆，撞冧咗棵樹，佢成架車飛起咗，跟住轉咗一個圈，撻返咗落地」。陳先生稱，司機於意外中應未受重傷，Fairlady墮地停定後，司機於兩三秒左右便衝了出車。