港女拒試衫　「買咗先，唔啱就換」

【蘋果日報】有少女在試身室遭偷拍，女士們人心惶惶，擔心成為下一個受害人，有女士指為求自保會約朋友試衫，輪流在外看守，自己保護自己。關注婦女權益組織狠批事件反映連鎖服裝店保護女性的意識不足，保安顧問更指布簾試身室絕不安全，建議使用木門，杜絕偷拍風險。
市民莊小姐指一向覺得在試身室試衣服不太安全，「每一次入去都除晒衫，出面又冇人睇住，自己都驚有男人喺正隔籬」，她指曾經試衫後出來見到有男人在試身室外，覺得十分尷尬，若與丈夫同行，會要求丈夫在外等侯。
薛小姐則想到精妙自保方法，她指一般時裝連鎖時店都可退款，因此她會先購買合心水衣物帶回家穿着，「尺碼唔啱就帶返去換或退款」。她指H&M試身室的布簾較短，認為若可延長到地面會令人較安心。
男士同為受害人
關注婦女性暴力協會總幹事王秀容指，事件反映布簾試身室潛藏「一拉開就俾人睇晒」保安漏洞，時裝店應增設人手看守，不能以人手不足推卸，建議劃分男女試身區，以密封木門取代布簾，並由地面至天花板全部圍封。
身為男士的保安顧問程兆俊亦曾於試身時被人拉開布簾，「當時只係着住條底褲」，十分尷尬。他指一般時裝店為省地方及成本，多用布簾遮擋試身室，個別會以魔術貼固定，亦不一定安排職員看守，「職員之後都會行咗去，唔會長期喺度」，所以建議時裝店改用木門密封式試身室，而且木門與地面最多只留半吋空間，令成人手掌無法伸入，杜絕偷拍可能，「始終鎖門安全好多！」
■記者潘婉玲、徐雲庭
范小姐「布簾有條罅，出面有人行嚟行去，會好不安。今次事件猖狂，以後會睇清楚周圍先換衫。」
薛小姐「如果可以退款，會拎返屋企試，如果更衣室布簾可以長到地就比較安全。」
莊小姐「出面又冇人睇住，都驚男人喺隔籬試。有時試衫後出嚟見到男人，覺得好尷尬。」