日圓密密升！阿信屋日韓貨比例企硬五成

【蘋果日報】日圓走勢轉強，由年初至今，每百日圓兌港元由6.9算起步，至今兩個多月已升7%，主打售賣日本貨品的店舖難免會受壓。CEC國際（759）旗下759阿信屋的產品以日貨作為賣點，主席林偉駿表示一定要維持日韓貨品於50%以上的高比例，否則吸引力會遜色，「我哋適宜賣呢啲貨，係唔會改變架」。
林偉駿透露阿信屋於去年曾因日圓上升而減少入日本貨，結果「吸引力真係弱咗」，所以去年九月起決定將日韓貨比例回復過半額，又指「因為啲客入嚟會覺得唔對版，我哋生意會差啲」。他又指如果日圓再上升，購買力便會較弱，因為貨物貴了，所以希望繼續維持48%至55%的日韓貨品的入貨比例。
此外，他提及人民幣升值，入口內地貨品地有加價壓力，而美金和歐羅貨品同樣貴了，其中歐羅貨品貴的程度不下於日圓，並說只有澳洲貨品稍為低一點外，所有用港元結算兌換其他貨幣的貨品，同樣受壓，故「日本貨係冇必要（減少），因為周圍都貴咗」。
759阿信屋現時入貨的比例，約五成或以上來自日韓，約兩成來自歐洲，約兩成來自台灣及東南亞，其中泰國米已佔一成多，其餘的貨品則來自內地。