新聞類別
財經
詳情#
【蘋果日報】網絡海量資訊，現代人注意力應接不暇，連研究都要講搶fo，唔怕標題黨，最怕你skip咗唔睇！
話說最近精確市場研究集團（CSG）做咗個研究，分析保險產品廣告成效，但個標題喺報料Email信箱就好突出：《友邦保險代言人碧咸雖有效提高品牌知名度，但未能成功引起客戶對產品的興趣》。嘩，邊個同友邦（1299）咁大仇口，開晒名咁嚟踩，仲要燒埋型男球星碧咸嗰疊？！
咁睇內文啦，其實研究結果都叫四平八穩，但行文佈局暗地有考量，首先就講友邦搵咗碧咸做全球代言人，話雖然有萬人迷撐場，尤其受年輕女性歡迎，不過就幫唔到受眾建立碧咸同友邦之間嘅連繫，「宣傳項目表現令人失望」；然後新聞稿筆鋒一轉，話低處未算低，友邦衰富衛仲衰，富衛嘅宣傳項目，係研究分析嘅8個廣告裡面最低分，唔夠貼地咁話。喂喂，最低分嘅唔放標題唔講先，原因好明顯啦，富衛唔夠碧咸同友邦gimmick嘛！
踩完人呢，就讚安盛，話安盛嘅廣告好成功，接續就總結宣傳成功要素，都係「訊息簡明」、「表現同理心」等等三塊皮啦。然後然後，收筆都無唔記得踩多友邦一腳，話名人效應有利有弊，「從友邦保險聘用碧咸為代言人的宣傳效果可見一斑。」唉呀，其實研究裡面嗰8個廣告，友邦都排第5，算中間，咁樣躺著也中槍，真係好鬼無辜呢！
睇番做研究嘅CSG，根據佢網頁資料，宏利、旅發局，PayPal、中銀、馬會、煤氣都係佢啲客嚟；而個研究都有比較宏利廣告，排第2。到最後例牌都要講，個研究係透過網上平台進行，訪問咗500名年齡介乎18歲至55歲的公眾人士，填大約10分鐘的問卷。年齡和性別的配額亦根據政府人口普查的資料分佈。
話說最近精確市場研究集團（CSG）做咗個研究，分析保險產品廣告成效，但個標題喺報料Email信箱就好突出：《友邦保險代言人碧咸雖有效提高品牌知名度，但未能成功引起客戶對產品的興趣》。嘩，邊個同友邦（1299）咁大仇口，開晒名咁嚟踩，仲要燒埋型男球星碧咸嗰疊？！
咁睇內文啦，其實研究結果都叫四平八穩，但行文佈局暗地有考量，首先就講友邦搵咗碧咸做全球代言人，話雖然有萬人迷撐場，尤其受年輕女性歡迎，不過就幫唔到受眾建立碧咸同友邦之間嘅連繫，「宣傳項目表現令人失望」；然後新聞稿筆鋒一轉，話低處未算低，友邦衰富衛仲衰，富衛嘅宣傳項目，係研究分析嘅8個廣告裡面最低分，唔夠貼地咁話。喂喂，最低分嘅唔放標題唔講先，原因好明顯啦，富衛唔夠碧咸同友邦gimmick嘛！
踩完人呢，就讚安盛，話安盛嘅廣告好成功，接續就總結宣傳成功要素，都係「訊息簡明」、「表現同理心」等等三塊皮啦。然後然後，收筆都無唔記得踩多友邦一腳，話名人效應有利有弊，「從友邦保險聘用碧咸為代言人的宣傳效果可見一斑。」唉呀，其實研究裡面嗰8個廣告，友邦都排第5，算中間，咁樣躺著也中槍，真係好鬼無辜呢！
睇番做研究嘅CSG，根據佢網頁資料，宏利、旅發局，PayPal、中銀、馬會、煤氣都係佢啲客嚟；而個研究都有比較宏利廣告，排第2。到最後例牌都要講，個研究係透過網上平台進行，訪問咗500名年齡介乎18歲至55歲的公眾人士，填大約10分鐘的問卷。年齡和性別的配額亦根據政府人口普查的資料分佈。
留言 (0)
