新聞類別
財經
詳情#
【蘋果日報】藍鼎國際（582）開嘅濟州神話世界藍鼎娛樂場，早前喺港鐵香港站賣晒廣告谷宣傳，其中最吸引嘅當然係港女至愛，韓國男團BigBang隊長G-DRAGON（GD）有份設計嘅咖啡店，但估唔到GD除咗吸引到班妹妹仔，仲吸引埋香港女首富朱太。
入伍前最後公開活動
藍鼎娛樂場喺濟州島舉行嘅開幕典禮裏面，除咗有韓國公司高層，仲發現朱太都有現身，現場所見，藍鼎主席仰智慧喺賭場落第一注，着住紅衫嘅朱太喺隔籬笑到四萬咁口傍住，睇嚟好投入。朱太嘅爹哋李惠文，本身都係澳門賭廳廳主，喺博彩界屬元老級人物，唔知除咗陪玩一兩手之外，仲有冇同仰主席交流吓經營賭廳意見？
今次仲標榜係GD入伍前出席最後一個公開活動，下次再見面起碼要等廿個月，好多fans都好唔捨得，未見偶像真身已經逼爆現場；而喺GD嘅官方IG，仲見到佢同班靚太一齊合照，睇見朱太霸到個靚位，舉晒兩隻手指公，鬼咁開心，反而GD坐喺凳上單手舉V，表情就有少少尷尬。
李華華
LiWaWa@AppleDaily.com
入伍前最後公開活動
藍鼎娛樂場喺濟州島舉行嘅開幕典禮裏面，除咗有韓國公司高層，仲發現朱太都有現身，現場所見，藍鼎主席仰智慧喺賭場落第一注，着住紅衫嘅朱太喺隔籬笑到四萬咁口傍住，睇嚟好投入。朱太嘅爹哋李惠文，本身都係澳門賭廳廳主，喺博彩界屬元老級人物，唔知除咗陪玩一兩手之外，仲有冇同仰主席交流吓經營賭廳意見？
今次仲標榜係GD入伍前出席最後一個公開活動，下次再見面起碼要等廿個月，好多fans都好唔捨得，未見偶像真身已經逼爆現場；而喺GD嘅官方IG，仲見到佢同班靚太一齊合照，睇見朱太霸到個靚位，舉晒兩隻手指公，鬼咁開心，反而GD坐喺凳上單手舉V，表情就有少少尷尬。
李華華
LiWaWa@AppleDaily.com
留言 (0)
