劉曉彤生3個汪阿姐：她沒有重返螢幕的意思了

【蘋果日報】今個農曆年，家英哥同阿姐真係好忙、好忙、好忙，因為有太多朋友相約食飯。大年初八早上，48歲、前無綫藝人劉曉彤就帶埋兩個女一齊去探阿姐，見劉曉彤一頭金髮，樣貌都keep得好好，但阿姐就透露佢冇意復出幕前，阿姐喺微博留言﹕「大年初八早上、劉曉彤帶著兩個女兒來我家拜年。自從結婚後、她把全部時間奉獻了給3個子女及家庭、如今大兒子11歲了、新年期間跟爸爸去了英國學校interview(是為了2年後的學位）。2個囡囡都好有禮貌、好乖。Belle也很享受家庭主婦的生活、看來她是沒有重返螢幕的意思了。」昔日經常做搞笑角色嘅儍大姐，如今已變成賢妻良母，阿姐都好戥佢開心。
而初八晚上，阿姐同家英哥又相約王誌賢同老公Kevin，以及狄波拉同老公鬍鬚Kong，王誌賢留言﹕「大年初八,成雙成對,難得共聚! So memorable!」阿姐亦有回覆﹕「今晚的日本餐很有特色，每一道菜都有surprise,加上是好朋友見面、份外多話題、好似講極都講唔完、而且歺廳房外可看到維多利亞海港的美麗夜景、很relax。一個好開心的聚會。多謝Vinci的安排。」去到前日年初九，阿姐同家英哥去到黃大仙祠祈福，晚上去快將90歲嘅梁素琴師傅家中拜年，真係好充實。