《肉蒲團》人體爆炸內臟橫飛重口味三級片成經典

【蘋果日報】想當年嘅《3D肉蒲團之極樂寶鑑》，大家都一定會記得幾件事，首先就係一段杜X澤演繹嘅潮文，仲有就係雷凱欣嘅角色原來係男人，仲要識得人體爆炸。其實當年套戲上咗幾日，就勁收1,500萬，不過網民就狂畀負評，仲有七宗罪。
3D錯配
觀眾抱獵奇心態欣賞3D高難度性技，點知3D做愛場面欠奉，換來就係子彈、血漿、內臟橫飛。有網民講笑話寧看體液橫飛，都唔想睇血液橫飛。
老牛聲線
雷凱欣演陰陽人，為配合劇情，安排了一把「阿伯」聲畀佢，又經常自稱「老夫」，令人性趣大減，最惡心係佢以超長陽具當武器鞭人。
露點半秒
電影上映前賣行廣告，以港星雷凱欣三點盡露作招徠，但佢露點戲連一秒也沒有，還被質疑係移花接木，有人要求片商回水云云。
肉粒惡頂
女性購票入場也想一睹葉山豪雄風，其飾演嘅未央生荒淫無度，但他居然未露下體，胸口肉粒又以大特寫呈現，令女士大倒胃口。
過份血腥
電影後半段非常血腥，斬手斬腳爆頭斷陽具應有盡有，雷凱欣更爆炸而死，有網民說：「入嚟係睇你點做愛，唔係睇你點做低人呀！」
貶低甘草
甘草演員黃樹棠片中飾演高僧，因抵受不住誘惑破色戒，網民認為片商找佢演呢個角色太唔尊重，感覺好差。
配音兀突
日本 AV女優原紗央莉同周防雪子都係賣點之一，原紗央莉就算由「性女」 Vienna配音，也好難表現出原汁原味。