兩月內再遭爆竊女檔主盼取回丈夫遺物

【蘋果日報】灣仔菲林明道16至20號對開一個報檔，昨晨4時左右，姓何女檔主(58歲)返回開檔，發現錢箱被撬開，用來入貨買煙的8千元被偷走，同時煙櫃的煙幾乎被搜掠一空，損失約1萬元。
何女士表示丈夫已過身，靠她獨自守著報檔。去年12月已被爆過一次。事隔兩個月又再被爆竊，她顯得一臉無奈：「冇哂錢，唔知點算！」
除了現金外，何女士亦被偷去放在鐵箱內的存摺，她去了銀行報失，又再去買來多個鎖頭，始返回報檔，她說儲了8千元，原本諗住星期一用來買煙出售，現在悉數被偷去，「我呢兩日唔記得拎番屋企，以為安全，點知咁樣。」報檔原為過身丈夫開設，已經營60年，惟丈夫約10年前在報檔開檔，其間去洗手間突然暈倒，送院後返魂乏術。之後便由她一個人獨力經營報檔，「為咗要養大個仔」，終於捱到兒子長大成人，今年22歲，剛出來工作，她早有意結束報檔，「依家報紙賣唔到，搵食好艱難，報紙檔冇得做，冇人肯頂手。」
只是提到報檔由她丈夫撫心經營，何女士不禁悲從中來，「我老公9歲就中風，一邊身唔郁得，但佢好緊張個檔口，仲緊要過條命！」她說今次被賊人偷錢外，鐵箱內還放了丈夫的相片及他生前用過的銀包，同被賊人偷去，何女士希望賊人可歸還丈夫的遺物。