詹培忠：提醒散戶股市多「賊」

【蘋果日報】貝字牆成全城熱話，有「金牌莊家」之稱的資深投資者詹培忠認為，貝字牆只是反映事實，直指「依家金融市場不務正業，係最大嘅賭場」，港交所不用拆牆，可「提醒散戶個股市充滿險惡同大鱷，咁如果仲係樂此不疲（參與股市），就與人無尤，要自求多福喇」。他對「賊」字特別有感想，「依家股市太多賊喇，太多去炒跌，從跌之中賺取利潤」。
全國政協前委員劉夢熊就指，「用貪、貧，港交所砌呢啲字好唔吉利，好奇怪」。劉指牆上有賄賂二字，「賄賂直情法律上唔允許，你放埋上去，係提倡啲乜嘢？」
Ben Sir：廁字幾得意
人稱Ben Sir的語言學家歐陽偉豪則贊同港交所做法：「唔覺得字牆似骨灰龕，反而似百子櫃。我覺得寫晒啲好，可以令投資者睇到買股都有正面同負面。」惟他對「廁」字最有印象：「加落去都幾得意嘅，雖則同錢都冇乜關係。」他指討論可增加大眾的中文修養，「原來個貝字都可以產生咁多嘢，起碼多咗人講先啦」。
■記者梁延宇