新聞類別
港聞
詳情#
【蘋果日報】立法會3.11補選，多名參選人包括香港眾志周庭被選舉主任取消其參選資格，不少人批評選舉主任無理DQ參選人，田北辰卻認為今次DQ準則極度聚焦，「就係聚焦喺一條底線，就係唔可以分裂國家；嗰啲（宣誓時）玩玩吓、唔尊重呀，都唔會郁你。」
關注不少人攻擊法官
參選港島區的周庭以至新東的劉穎匡及陳國強，被指支持自決、港獨而被DQ，反而2017年因宣誓案而被DQ的姚松炎順利過關進入九西戰場，田北辰認為有關決定為參選資格清晰劃界，「依家keep住喺一個細範圍，而喺呢個細範圍內，佢完全唔會放過，我覺得客觀效果係，任何激進派都唔會掂呢舊嘢（港獨、自決）」。
田自言外界若觸及港獨議題，「我都會鬧埋你」，「唔單止係添煩添亂，仲引導咗好多無知年輕人，對將來有好多不切實際嘅思想，而搞嘅人都冇諗住成真，只係想煽動一啲情緒，但星星之火可以燎原，呢啲情緒一煽動咗，將來去到一發不可收拾嘅地步，咁香港咪行社會主義囉，特區嘅地位都冇埋㗎嘞」。
支持選舉主任按情況審查參選人資格之餘，田北辰亦關注近年不少人、包括建制派因裁決不合心意而攻擊法官，直指：「香港嘅法官，其實就係應該最受信任嘅中間人，你連個中間人都鬧埋？冇咗個球證咪仲大鑊！」他強調不應將任何判刑都政治化，「作為建制派，唔可以因為判刑對自己有利，就讚法官好，冇利嘅就去鬧」。
■記者許偉賢
關注不少人攻擊法官
參選港島區的周庭以至新東的劉穎匡及陳國強，被指支持自決、港獨而被DQ，反而2017年因宣誓案而被DQ的姚松炎順利過關進入九西戰場，田北辰認為有關決定為參選資格清晰劃界，「依家keep住喺一個細範圍，而喺呢個細範圍內，佢完全唔會放過，我覺得客觀效果係，任何激進派都唔會掂呢舊嘢（港獨、自決）」。
田自言外界若觸及港獨議題，「我都會鬧埋你」，「唔單止係添煩添亂，仲引導咗好多無知年輕人，對將來有好多不切實際嘅思想，而搞嘅人都冇諗住成真，只係想煽動一啲情緒，但星星之火可以燎原，呢啲情緒一煽動咗，將來去到一發不可收拾嘅地步，咁香港咪行社會主義囉，特區嘅地位都冇埋㗎嘞」。
支持選舉主任按情況審查參選人資格之餘，田北辰亦關注近年不少人、包括建制派因裁決不合心意而攻擊法官，直指：「香港嘅法官，其實就係應該最受信任嘅中間人，你連個中間人都鬧埋？冇咗個球證咪仲大鑊！」他強調不應將任何判刑都政治化，「作為建制派，唔可以因為判刑對自己有利，就讚法官好，冇利嘅就去鬧」。
■記者許偉賢
留言 (0)
