「唔認中國人咪逗利是」西門梓敬拯救已婚人士！

【蘋果日報】曾獲自由黨榮譽主席田北俊「加持」選立法會議員但失敗收場的區議員李梓敬，繼早前在facebook出post，亂罵「英國領事館掛彩虹旗，擺明煽動香港就性傾向條例強行立法」後，新年流流，又有傑作！他初二早上在fb指，「如果你唔認同自己係中國人，唔該唔好逗利是！」又落hashtag「#中國人傳統#港獨學乜人寫揮春」。


有網民留言支持他的言論，但部分愛國人士以全英文表達愛中國高尚情操，「You're right! Support!」、「Good morning, very right and true, fully agreed」。有網民更借機罵被政府政治審查而剝奪參選權的眾志周庭，「講得好！嗰個港獨周庭仲喺年宵寫揮春，正垃圾，返日本做慰安婦啦！」周庭早已表明不支持港獨。


香港眾志有份在早前結束的年宵花市擺檔，周庭亦到場寫揮春應節，為市民揮毫之餘，更手持兩張揮春到新民黨的年宵檔攤「踩場」。前立法會議員的青政游蕙禎，亦在facebook上傳一張自己手寫的揮春，表示新一年「恭祝大家盤滿砵滿，多啲利是多啲讀書基金」，令人懷疑李梓敬在其fb貼文中的hashtag「#港獨學乜人寫揮春」是否暗指兩人。


網民留言：

Catrina Lee：點解咁多白癡仔呢

Ai Huang Chong：Good morning, very right and true, fully agreed

Zion Cheung：本人非常同意廢除新年派利是嘅習俗

Wing Yeung：You're right! Support!

Alice Chan：唔認同自己係中國人，唔該唔好派利是，是否合適d呢？

Chan Chau Ki：要做有尊嚴，有獨立思考，愛香港，愛中國的中國人

Tom Lee：唔認中國人嘅話，應該滾出香港！

Kenny Cheung：講得好！嗰個港獨周庭仲喺年宵寫揮春，正垃圾，返日本做慰安婦啦！

ragon Poon講得好！！！！！用facebook既人係賣國賊，呢d人真係應該捉番去打靶！真正中國人係會用微博！唔會支持外國貨！

Jack Wong：華人同中國人都未識分？馬來西亞大把華僑都派利是喎，但人地係馬拉人唔係中國人。另外，我個人非常認同去殖，麻煩李議員幫幫手要求林鄭月娥搬離殖民地第一象徵嘅港督府。


William Tang：對人民好d咪無人支持港獨對人民唔好唔獨都一樣會走

李梓敬早前轉貼英國駐港領事館facebook專頁一幅外牆掛上彩虹旗的圖片，狠批「咁樣粗暴干預香港內部政策事務，點解無人出聲？」已惹來大批網民留言回應，有人寸他「好似係你去干預人地領事館多D喎。你知唔知領事館係等同他國國土」，亦有人恥笑他「為咗媚共可以有幾低能、智力無下限」。