玄學家：調亂兩籤不吉利

【蘋果日報】新界鄉議局主席劉業強和沙田鄉事委員會副主席李志麒昨按習俗，到車公廟代表港人和沙田區求籤祈福，惟司儀擺烏龍將兩支籤調亂。有玄學家表示，中國人拜神講求順利，否則不吉利，今次調亂籤文預示香港今年不太順利。有解籤師傅指調亂籤文不吉利，兩支籤雖同為中籤但意思不一樣，「如果將車公老爺嘅籤調亂咗，係好影響香港每個人嘅心態同經濟」。


或影響經濟

玄學家麥玲玲表示，中國人拜神、求籤講求每個步驟要順利，否則不吉利，今次調亂兩支籤預示今年不太順利，「記唔記得葉劉淑儀有年俾隻麒麟撞親，嗰時我哋都講過，拜神每一個步驟都要順暢」，幸而今次兩支籤落差不大，「由21籤（中籤）跌到41籤（中下籤），求支籤都亂，你話個局係咪都亂亂哋？」

車公廟外解籤師傅李奎賢則指調亂籤文不吉利，求籤應是香港還香港、沙田區還沙田區，「你唔可以將沙田調香港，香港調沙田，呢個係好唔同」。他說：「其實調（亂）籤係疏忽咗，係麻煩㗎……車公老爺話畀你聽跟支籤去行，咁你調亂咗咪將車公老爺說話調亂咗囉。」他又指「咁係影響香港經濟同脈搏，呢個係好主打」。


李稱今年港府官員出現動盪，「好似有個司長上場，佢已經出現問題，已經內部有動盪」，因此籤文要審慎去解讀，「如果將車公老爺嘅籤調亂咗，係好影響香港每個人嘅心態同經濟」，強調即使兩支同為中籤，但籤文意思絕對不一樣。


■記者張文鈴