警派「牛肉乾」　竹園邨30車中招

【蘋果日報】農曆新年往往是車輛違泊的高峰期，太古城是港島違泊黑點之一。警方為嚴打違泊，今年出動「雪糕筒圍城」，在多條道路放置雪糕筒路標圍封避車處及行車線，部份路段要單線行車，有司機大呻擾民，「好似唔畀你揸車嚟咁」。另一黑點黃大仙竹園邨亦有警員大派「牛肉乾」，近30架私家車中招，有車主指是停車位不足所致，希望農曆年間警方手下留情。


太古城擺雪糕筒封路

針對農曆新年間違泊，警方及房屋署均已表明嚴厲執法。記者昨在太古城一帶觀察，發現警方在太古城道、太裕路及太古灣道等以雪糕筒圍封馬路及避車處，設「違例停泊車輛將拖走」警告牌，部份路段僅能單線行車，但仍有車輛停泊在圍封位置前後，太古灣道則有數輛車被抄牌。


違泊同樣嚴重的竹園邨，警員下午在街市對出竹園道執法，沿路包括在雙黃線及非雙黃線位置停泊的私家車均無一倖免，至少2、30部車慘食新春「牛肉乾」，而由於違泊嚴重，令道路略為擠塞。


職業司機陸先生不滿指，往年這裏並沒有同類措施，警方在太古城圍封避車處根本是擾民，「你唔Make Sense（合理），你話泊喺度冇人，抄牌係應該嘅，但依家係唔畀人上落客，好似唔畀你揸車嚟咁」。另一車主馮先生與家人來拜年，但該處停車場排長龍，「你上去拜年都係半個鐘，排得嚟都夠鐘。」他最後選擇在路邊停車，自己留在車上無法拜年，「我明白如果唔咁做，可能會泊到好亂，但啲避車位又唔使封晒嘅，避車位平時可以擺車，點解新年反而唔畀擺？」


車主金女士指，過去都曾在新年期間到竹園邨拜年，曾經被抄牌，故盡量將車輛停泊在停車場，但停車場經常沒有車位，「試過等成兩個幾鐘先入到停車場」。她認為本港停車位長期不足，「過年應該手鬆啲」。


■記者鍾雅宜