新聞類別
娛樂
詳情#
【蘋果日報】
現年41歲嘅簡慕華曾經係金牌監製戚其義愛將，拍過《金枝慾孽貳》同《心戰》等劇，演技備受讚賞，舊年2月佢拍完無綫劇《超時空男臣》之後決定離開娘家向外闖。原來簡慕華做咗人妻，今個月4號喺微博貼咗自己同老公嘅相，留言話：「We do. We did. Forever and always.」
聚會結緣
馮仁昭噚日問番簡慕華，佢話其實係上年4月結咗婚，問點解依家至喺微博公佈喜訊？佢話：「我一直喺加拿大，呢排返咗嚟香港，始終有機會俾人見到你喺街，所以趁呢個時候公佈。」佢話同老公係中學同學，老公移民加拿大後，幾年前回流香港，大家喺同學聚會見番，覺得幾啱傾，之後開始拍拖。講到佢同戚其義傳緋聞多年，簡慕華笑住話啱啱先至同阿戚打完波：「講咗好耐㗎啦，既然大家咁愛戴，我哋冇所謂啦，得啖笑。」佢仲話老公都識得阿戚。
離開TVB之後，簡慕華話想出去睇吓多啲唔同嘅嘢：「我諗住繼續做番呢行，但想轉吓環境，所以冇同TVB續約，揀到鍾意工作先至做。」
撰文：馮仁昭
現年41歲嘅簡慕華曾經係金牌監製戚其義愛將，拍過《金枝慾孽貳》同《心戰》等劇，演技備受讚賞，舊年2月佢拍完無綫劇《超時空男臣》之後決定離開娘家向外闖。原來簡慕華做咗人妻，今個月4號喺微博貼咗自己同老公嘅相，留言話：「We do. We did. Forever and always.」
聚會結緣
馮仁昭噚日問番簡慕華，佢話其實係上年4月結咗婚，問點解依家至喺微博公佈喜訊？佢話：「我一直喺加拿大，呢排返咗嚟香港，始終有機會俾人見到你喺街，所以趁呢個時候公佈。」佢話同老公係中學同學，老公移民加拿大後，幾年前回流香港，大家喺同學聚會見番，覺得幾啱傾，之後開始拍拖。講到佢同戚其義傳緋聞多年，簡慕華笑住話啱啱先至同阿戚打完波：「講咗好耐㗎啦，既然大家咁愛戴，我哋冇所謂啦，得啖笑。」佢仲話老公都識得阿戚。
離開TVB之後，簡慕華話想出去睇吓多啲唔同嘅嘢：「我諗住繼續做番呢行，但想轉吓環境，所以冇同TVB續約，揀到鍾意工作先至做。」
撰文：馮仁昭
回應 (0)
