SM又爆戀情？18歲Yeri手機疑用泰容做wallpaper

【蘋果日報】粉絲一向都愛睇實偶像嘅一舉一動，由於日日都會loop住偶像嘅社交網，所以好多時粉絲都會睇到唔少破綻。


好似近日有網民就懷疑韓國女團Red Velvet18歲成員Yeri疑似撻着同門師弟男團NCT127嘅22歲隊長泰容，當中網民就列舉七大疑點來證明二人正在拍拖中。


當中最令人覺得得二人拍拖就係因為Yeri被發現手機嘅wallpaper，疑似用咗泰容嘅相，即時引來網民熱話，加上兩人平日上載嘅照片，有唔少又離奇相似，因而傳出緋聞。


另外，有粉絲爆就料喺之前SM事務所搞嘅萬聖節派對同埋夏威夷旅行慶功上，不時都會見到Yeri同泰容在一起，令緋聞更似層層。


不過網民反應就好兩極，有人覺得單憑一張睇唔清楚嘅手機圖片難以證明係泰容，而且有時上載差不多嘅照片只係巧合，唔信兩人有拍拖，但有網民就話之前少女時代嘅泰妍同EXO嘅伯賢被爆拍拖前，曾經都被發現兩人喺網上有唔少互動。