網傳一支針炒至$2,000

【蘋果日報】政府及醫學專家一直鼓勵公眾接受流感疫苗注射，但本港現時四價流感疫苗持續短缺，父母為子女健康「左撲右撲」，四周打聽哪間診所仍有疫苗提供。日前在一個電台節目上，有聽眾投訴一間私家診所抬價，一支流感針索價千元。
社交平台亦有網民投訴疫苗收費不菲：「黐線，剛剛喺診所聽到要1,600蚊」；亦有網民稱：「問過診所硂私家醫院硂政府醫院都話冇疫苗，有都係留畀長者，一針難求，有西醫同我講有啲炒至2,000蚊。」
家庭醫生鄭志文指其診所的疫苗已用完，「我同藥廠話買都買唔到，打去熱線都話冇」，料一般診所疫苗將於兩至三星期內用完。他指業界前日開會亦討論疫苗供求問題，「差唔多啲醫生都係冇疫苗，部份可能係長期客戶，藥廠咪多幾支畀佢」。他相信藥廠短期內不會再生產疫苗，「流感針唔會有疫情先打，同埋疫苗生產周期好短，依家個啲疫苗expiry date（到期日）去到5月，藥廠唔會再出疫苗」。
■記者張文鈴