斑馬線綠燈延長3秒　鴨脷洲街坊：冇乜用

【蘋果日報】運輸署上月起在全港9區試行智能綠燈延長裝置，位於鴨脷洲大街的裝置昨啟用，長者及傷殘人士只需在感應器上拍個人八達通卡，綠燈閃動時間便會延長3至4秒。但有行動不便長者表示，即使拍了卡，過斑馬線時仍趕不及走上行人路，幸好車流不多未釀成意外。
「好彩司機都好體諒」
運輸署在鴨脷洲大街斑馬線加裝綠燈延長裝置，由14秒加至18秒時間，綠燈閃動時會通過倒數器顯示剩餘過路時間，兩邊行人路相距兩條行車綫，約3米半闊。但居住在鴨脷洲28年的張伯指，因腿患行動不便，步履蹣跚，需持拐杖輔助走路，平日主要以小巴代步為主，偶然到鴨脷洲大街會使用斑馬線，但都不夠時間過馬路。
張伯昨試用延長綠燈裝置，但即使多了數秒時間，綠燈閃動過後他仍趕不及走上行人路，「對我嚟講就冇乜作用，靠自己睇時間……好彩平時啲司機都好體諒」，認為若裝置能延長多幾秒就更好。
民主黨社區主任陳炳洋認為，運輸署的選址奇怪，因紅綠燈是近年才加裝，「其實支燈係冇乜需要，街坊都慣咗喺路口位就咁過」，故斑馬線使用率不高，加上附近車輛流量不多，離下一個交通燈位遠，未能測試有關裝置對路面情況的影響。但他對政策表示開放，延長綠燈3秒「好過冇」，希望裝置能惠及其他有需要人士，並非只限於長者和殘疾人士。
■記者梁銘恩