「大灣區規模可接近東京級數」

【蘋果日報】自國務院總理李克強於去年初提出大灣區發展後，含大灣區概念的內房股均有不錯升幅。
有工業及金融基礎支撐
花旗亞太區地產業研究主管蔡金強表示，未來內地經濟最繁榮將是長三角及大灣區一帶，更認為大灣區規模可接近東京的級數，「如果發展商喺深圳、廣州、佛山有大量地，可以話坐定粒六」。
他表示，大灣區與雄安概念不同，「大灣區面向世界競爭，因為規模喺到，同埋有實質工業基礎同金融基礎去支撐，唔係冇人冇物……雄安嗰隻」。
他認為大灣區只欠整體協調及統籌，只要將稅收、交通打通，防止城市間惡性競爭即可，料3至5年內成事。「香港係金融中心，深圳係科技中心，廣州係出口貿易城市，佛山、東莞係製造城市，澳門係娛樂城市，乜都齊晒」。
蔡金強看好龍光地產（3380），指其有逾1,000億元貨值土地在深圳，在內地其他地方亦有大量土地儲備，只因之前憂慮配股，而沒有將之放入首選。但他強調，「唔係淨係因為大灣區，但如果有好多地喺大灣區肯定好好」。