華姐首見傳媒雷莊兒靚咗有望問鼎三甲？

【蘋果日報】昨日「國際中華小姐競選」候選佳麗齊集尖沙嘴首晤新聞界，樂易玲同余詠珊都有出席。上屆冠軍、紐約代表余思霆為16號佳麗伍殷嬅試戴后冠。而今年香港代表係雷莊兒（Juliette）。當選港姐一段時間，雷莊兒化妝技巧進步咗都好合理，而且昨日出嚟見傳媒嗰陣，佢仲靚咗，或者有望問鼎三甲噃。雷莊兒接受訪問時表示已經同眾佳麗交流過，冇諗過邊個係勁敵：「唔敢講打贏人哋，冇人想輸啩，我覺得每個人都好好。」4號鄭吉隆坡代表鄭亦庭（Tiffany）、6號洛杉磯劉思延（Angela）同7號馬尼拉代表吳雪蓮（Joy）都話有信心獲獎，但對泳裝環節就話好緊張。