「失去普通男性的能力」小室哲哉暗示性無能？

【蘋果日報】小室哲哉疑背着結婚15年嘅病妻KEIKO搞婚外情，昨日佢終於開記者會公開道歉，小室在會上否認跟被指係小三嘅靚女護士有越軌關係。
小室在會上話因為壓力等種種原因，目前受到突發性失聰困擾，加上之前亦患有C型肝炎，令其身心感到十分疲累，並因今次事件決定退出演藝界，其間更不禁落淚。
小室表示，近年健康欠佳，有時無法到院治療，所以才會拜託任職護士嘅密友到家中打營養針，KEIKO都會同場，強調彼此只係病人與護士關係。記者會上，小室否認兩人搞不倫，甚至衝口而出話：「雖然這樣說不好意思，5、6年開始自覺失去普通男性的能力，精神上的支撐確有必要。」令人懷疑年近60歲嘅小室呢番話係暗示自己已經性無能。